सर्वोच्चद्वारा शेखर गोल्छा पक्राउको कारण माग, २४ घन्टाभित्र लिखित जवाफ दिन आदेश

समाज

गृहपृष्ठ
समाज

सर्वोच्चद्वारा शेखर गोल्छा पक्राउको कारण माग, २४ घन्टाभित्र लिखित जवाफ दिन आदेश

क्यापिटल नेपाल मंगलबार, वैशाख १५, २०८३

काठमाडौं। सर्वोच्च अदालतबाट नेपाल उद्योग वाणिज्य संघका पूर्वअध्यक्ष एवं गोल्छा समूहका अध्यक्ष शेखर गोल्छालाई पक्राउ गर्नुपर्नाको कारणसहित २४ घन्टाभित्र लिखित जवाफ दिन सरकारलाई आदेश भएको छ।

आज बन्दी प्रत्यक्षीकरण रिटमाथि सुनुवाइ गर्दै सर्वोच्चका न्यायाधीश नृपध्वज निरौलाको एकल इजलासले २४ घन्टाभित्र लिखित जवाफ पेस गर्न प्रहरीको केन्द्रीय अनुसन्धान ब्यूरो (सीआईबी)समेतलाई आदेश दिएको हो।
सीआईबीको थुनामा रहेका गोल्छाका तर्फबाट पत्नी सीमाले दायर गरेको रिटमाथिको सुनुवाइमा कारण देखाऊ आदेश जारी भएको हो।
‘यसमा के कसो भएको हो? निवेदकको मागबमोजिम आदेश किन जारी हुनुनपर्ने हो? आदेश जारी हुनुनपर्ने भए सोको आधार र कारणसहित बाटोको म्यादबाहेक सूचना म्याद पाएका मितिले २४ घन्टाभित्र महान्यायाधिवक्ताको कार्यालयमार्फत बन्दीसहित लिखित जवाफ पेस गर्नू,’ आदेशमा भनिएको छ।
निवेदकलाई म्याद थप गरी अनुसन्धान भइरहेको भनिएको फाइलसमेत झिकाउन आदेश गरिएको छ।

प्रकाशित मिति: मंगलबार, वैशाख १५, २०८३ १२:५५

प्रतिक्रिया दिनुहोस्