झापाको हिमालय माविका हेडसर र लेखापालविरुद्ध भ्रष्टाचार मुद्दा, १ करोड बिगो दाबी

समाज

गृहपृष्ठ
समाज

झापाको हिमालय माविका हेडसर र लेखापालविरुद्ध भ्रष्टाचार मुद्दा, १ करोड बिगो दाबी

क्यापिटल नेपाल मंगलबार, वैशाख १५, २०८३

काठमाडौं। झापाको दमक नगरपालिका २ स्थित हिमालय माध्यमिक विद्यालयका प्रधानाध्यापक र लेखापालविरुद्ध भ्रष्टाचारको मुद्दा दायर भएको छ।

विद्यालयको भवन निर्माणलगायत काममा भ्रष्टाचार गरेको आरोपमा प्रधानाध्यापक ओमप्रसाद उपाध्याय आचार्य र लेखापाल दयासागर आचार्यविरुद्ध ९३ लाख ८३ हजारभन्दा बढी बिगो दाबीसहित अख्तियारले मुद्दा दायर गरेको हो।

दमक नगरपालिकामार्फत् आर्थिक वर्ष २०७७/७८ देखि भएको भवन निर्माणमा पहिलो तलाको वास्तविक मूल्यांकन १ करोड ४८ लाख ५३ हजार २३५ रुपैयाँ रहेकोमा नक्कली बिल, बिजक र भरपाइ बनाएर २ करोड ७ लाख ७९ हजार ९२२ रुपैयाँ भुक्तानी गरेको अख्तियारको दाबी छ।

भवन निर्माणमा ५९ लाख २६ हजार ६८६ रूपैयाँ बढी भुक्तानी दिएर सरकारी रकम हिनामिना गरेको अख्तियारले जनाएको छ। त्यस्तै दुई जनाको मिलेमतोमा २०७७/७८ देखिकै बेरुजु रकम १६ लाख ६० हजार १०१ रुपैयाँ व्यक्तिगत प्रयोग गरेको १७ लाख ९६ हजार ५२१ रुपैयाँ पनि थप हिनामिना गरेको अख्तियारले जनाएको छ।

प्रकाशित मिति: मंगलबार, वैशाख १५, २०८३ १४:३७

प्रतिक्रिया दिनुहोस्