२० दिनपछि खोल्यो भारतले चिया निर्यात

अर्थतन्त्र

गृहपृष्ठ
अर्थतन्त्र

२० दिनपछि खोल्यो भारतले चिया निर्यात

क्यापिटल नेपाल बुधबार, जेठ ६, २०८३

काठमाडौं। चिया निर्यातमा भारतले गरेको अवरोध २० दिनपछि खुलाएको छ। चिया निर्यातको सिजनमै भारतले एक्कासी निर्यातमा रोक लगाएपछि समस्यामा परिरहेको बेला बुधबारदेखि खुलाएको हो।

भारतको वाणिज्य तथा उद्योग मन्त्रालय अन्तर्गतको चिया बोर्डले मंगलबार राति सूचना जारी गर्दै चिया निर्यातमा सहज बनाएको छ। यसअघि भारतले नेपालबाट त्यसतर्फ जाने चियामा लगाएको गैरभन्सार अवरोध हटाएको र पत्र आउने वित्तिकै खुला हुने चिया व्यवसायी सुरेश मित्तलले जानकारी दिए।

चिया बोर्डले जारी गरेको सूचनामा आयात गरिने चियाका खेप(कन्साइनमेन्ट)हरुमा र्‍यान्डम(अनियमित)परीक्षण गरिने जनाएको छ। योसँगै भारतभित्रको उपभोगका लागि जाने चियामा नियमित र हरेक ट्रकपिच्छेको परीक्षण आवश्यक नहुने भएको छ।

नेपाल चिया उत्पादक संघका अध्यक्ष आदित्य पराजुलीले भारतको चिया बोर्डको सूचनासँगै निर्यातको बाटा खुलेको जानकारी दिए। भारतले चिया निर्यातमा अवरोध सिर्जना गरेपछि इलामबाट निर्वाचीत सांसद एमं काग्रेस सचेत निश्कल राई र नेकपा एमालेका सांसद सुहाङ नेम्वाङले निरन्तर रुपमा संसदमा आवाज उठाउँदै कुटनीतिक पहल गर्न अनुरोध गरिरहेका थिए।

नेपाली चिया निर्यात नै भारतीय बजार मात्र भएकोले अनावश्यक रुपमा किसानलाई दुख दिएको प्रति आपत्ती जनाउँदै सहजिकरणका लागि कुटनीतिक प्रयास गर्न उनिहरुको अनुरोध थियो।

प्रकाशित मिति: बुधबार, जेठ ६, २०८३ १२:०४

प्रतिक्रिया दिनुहोस्