दोहोरो अंकले घट्यो नेप्से, कारोबार रकमसमेत खुम्चियो

सेयर

गृहपृष्ठ
सेयर

दोहोरो अंकले घट्यो नेप्से, कारोबार रकमसमेत खुम्चियो

क्यापिटल नेपाल बिहीबार, जेठ २१, २०८३

काठमाडौं। बिहीबार नेप्से परिसूचकमा दोहोरो अंकको गिरावट आएको छ। अघिल्ला दुई कारोबार दिन बढेर बन्द भएको नेप्से आज घटेर बन्द भएको हो। आज नेप्से परिसूचक १३.४६ अंक घटेर २७६६ विन्दुमा झरेको छ।

नेप्सेसँगै आज कारोबार रकममा पनि गिरावट आएको छ। अघिल्लो कारोबार दिन अर्थात बुधबार ५ अर्ब ७३ करोड रुपैयाँ बराबरको सेयर खरिदबिक्री भएको बजारमा आज ४ अर्ब ७० करोडको सेयर किनबेच भएको हो।

आज कालिञ्चोक हाइड्रोपावरको सेयर यस दिन पनि सकारात्मक सर्किट लेभलमा कारोबार भएको छ। त्यस्तै, न्यादी हाइड्रोपावरको ९ प्रतिशतभन्दा बढी बढ्दा एसबिएल डिबेञ्चर २०८४ को मूल्य सर्वाधिक १०.४८ प्रतिशत घटेको छ।

कारोबार रकमका आधारमा यस दिन एभरेष्ट बैंकको अपरिवर्तिय ऋणपत्र शीर्ष स्थानमा रह्यो। आज यस बैंकको ३४ करोड १ लाख रुपैयाँ बराबरको ऋणपत्र कारोबार भएको छ।

प्रकाशित मिति: बिहीबार, जेठ २१, २०८३ १५:२९

प्रतिक्रिया दिनुहोस्