काठमाडौं। चालू आर्थिक वर्ष २०८२/८३ को १० महिनामा बैंक तथा वित्तीय संस्थामा रहेको निक्षेप ९.४ प्रतिशत ९६ खर्ब ८५ अर्ब ४१ करोडले वृद्धि भई ७९ खर्ब ४९ अर्ब २८ करोड पुगेको छ। नेपाल राष्ट्र बैंकले सार्वजनिक गरेको चालू आर्थिक वर्ष २०८२/८३ वैशाखसम्मको तथ्यांकले यस्तो देखाएको हो।
अघिल्लो वर्षको सोही अवधिमा यस्तो निक्षेप ६।२ प्रतिशत ९३ खर्ब ९९ अर्ब ८१ करोड० ले बढेको थियो। वार्षिक बिन्दुगत आधारमा २०८३ वैशाख मसान्तमा बैंक तथा वित्तीय संस्थामा रहेको निक्षेप १६.० प्रतिशतले बढेको छ।
२०८३ वैशाख मसान्तमा बैंक तथा वित्तीय संस्थाको कुल निक्षेपमा चल्ती, बचत र मुद्दती निक्षेपको अंश क्रमशः ६.८ प्रतिशत, ४६.२ प्रतिशत र ३८.२ प्रतिशत रहेको छ। अघिल्लो वर्षको सोही अवधिमा यस्तो अंश क्रमशः ५.५ प्रतिशत, ३५.९ प्रतिशत र ५०।८ प्रतिशत थियो।
२०८३ वैशाख मसान्तमा बैंक तथा वित्तीय संस्थाको कुल निक्षेपमा संस्थागत निक्षेपको अंश ३३.७ प्रतिशत रहेको छ। २०८२ वैशाख मसान्तमा यस्तो निक्षेपको अंश ३५.४ प्रतिशत थियो।
तथ्यांकअनुसार समीक्षा अवधिमा बैंक तथा वित्तीय संस्थाबाट निजी क्षेत्रमा प्रवाहित कर्जा ५.७ प्रतिशत ९३ खर्ब १२ अर्बले वृद्धि भई ५८ खर्ब ०९ अर्ब ७१ करोड पुगेको छ । अघिल्लो वर्षको सोही अवधिमा यस्तो कर्जा ७.३ प्रतिशत ९३ खर्ब ६८ अर्ब ६८ करोडले बढेको थियो। वार्षिक विन्दुगत आधारमा २०८३ वैशाख मसान्तमा बैंक तथा वित्तीय संस्थाबाट निजी क्षेत्रतर्प प्रवाहित कर्जा ६.७ प्रतिशतले बढेको छ।
२०८३ वैशाख मसान्तमा बैंक तथा वित्तीय संस्थाबाट निजी क्षेत्रमा प्रवाहित कर्जामध्ये गैर–वित्तीय संस्थागत क्षेत्रतर्फ प्रवाह भएको कर्जाको अंश ६२.७ प्रतिशत र व्यक्तिगत तथा घरपरिवार क्षेत्रतर्फ प्रवाह भएको कर्जाको अंश ३७.३ प्रतिशत रहेको छ।
अघिल्लो वर्षको सोही अवधिमा यस्तो अंश क्रमशः ६३.१ प्रतिशत र ३६.९ प्रतिशत रहेको थियो। समीक्षा अवधिमा निजी क्षेत्रतर्प प्रवाहित कर्जामध्ये वाणिज्य बैंकहरूको ५.८ प्रतिशत, विकास बैंकहरूको ५.० प्रतिशत र वित्त कम्पनीको २.९ प्रतिशतले बढेको छ।
२०८३ वैशाख मसान्तमा बैंक तथा वित्तीय संस्थाको लगानीमा रहेको कर्जामध्ये चालू सम्पत्ति कृषि तथा गैर–कृषिजन्य वस्तुको सुरक्षणमा १४.९ प्रतिशत रहेको छ भने घरजग्गा धितो सुरक्षणमा ६३।५ प्रतिशत रहेको छ। २०८२ वैशाख मसान्तमा यस्तो धितोमा प्रवाहित कर्जाको अंश क्रमशः १४.६ प्रतिशत र ६५.१ प्रतिशत थियो।
आर्थिक वर्ष २०८२/८३ को १० महिनामा बैंक तथा वित्तीय संस्थाहरूको लगानीमा रहेको कर्जामध्ये निर्माण क्षेत्रतर्फको कर्जा १२.८ प्रतिशत, उपभोग्य क्षेत्रतर्फको कर्जा १२.३ प्रतिशत, यातायात, सञ्चार तथा सार्वजनिक सेवा क्षेत्रतर्फको कर्जा १०.९ प्रतिशत, औद्योगिक उत्पादन क्षेत्रतर्फको कर्जा ६.८ प्रतिशत, सेवा उद्योग क्षेत्रतर्फको कर्जा ३.३ प्रतिशत र वित्त, बीमा तथा अचल सम्पत्ति क्षेत्रतर्फको कर्जा १.० प्रतिशतले बढेको छ भने कृषि क्षेत्रतर्फको कर्जा २.३ प्रतिशतले घटेको छ।
समीक्षा अवधिमा बैंक तथा वित्तीय संस्थाहरूबाट प्रवाहित कर्जामध्ये आयात ३६.१ प्रतिशत, मार्जिन प्रकृतिको कर्जा १५.५ प्रतिशत, हायर पर्चेज कर्जा ९.१ प्रतिशत, रियलस्टेट कर्जा व्यक्तिगत आवासीय घर कर्जासमेत ५. ३ प्रतिशत, माग तथा अन्य चालू पुँजी कर्जा ४.३ प्रतिशत, आवधिक कर्जा ४.० प्रतिशत र क्यास क्रेडिट कर्जा ०.४ प्रतिशतले बढेको छ भने अधिविकर्ष कर्जा ०.७ प्रतिशतले घटेको छ।
-1781062615.webp)
-1780306558.jpeg)
