सुस्तामा भारतीय सुरक्षाकर्मी छिरेको विषयमा सरकारको धारणा सार्वजनिक

राजनीति

गृहपृष्ठ
राजनीति

सुस्तामा भारतीय सुरक्षाकर्मी छिरेको विषयमा सरकारको धारणा सार्वजनिक

क्यापिटल नेपाल शुक्रबार, जेठ २९, २०८३

काठमाडौं। सरकारले पश्चिम नवलपरासीको सुस्ता क्षेत्रमा भएको भारतीय सुरक्षाकर्मी (एसएसबी)हरूको गस्ती छिरेको विषयमा आवश्यक कदम चाल्ने बताएको छ।

शुक्रबार मन्त्रिपरिषद्को बैठकको निर्णय सार्वजनिक गर्दै सञ्चारकर्मीको प्रश्नको जवाफ दिने क्रममा सरकारका प्रवक्तासमेत रहेका शिक्षामन्त्री सस्मित पोखरेलले यसबारे सरकारको धारणा सार्वजनिक गरेका हुन्।

उनले भने, ‘सुस्तामा बस्नु भएको नागरिकले भूमिलाई रक्षा गरेर बस्नु भएको छ। उहाँहरूलाई नमन गर्नुपर्छ। परराष्ट्र मन्त्रालयले आवश्यक कदम चाल्ने छ।’

आज बिहान मात्रै सुस्तामा भारतीय सुरक्षाकर्मी छिरेर स्थानीयबासीलाई धम्काएपछि विवाद भएको थियो। यस क्रममा स्थानीयबासीले प्रतिकार गरी भारतीय सुरक्षाकर्मीलाई सीमा बाहिर पठाएका थिए।

प्रकाशित मिति: शुक्रबार, जेठ २९, २०८३ १६:३१

प्रतिक्रिया दिनुहोस्