इरान–अमेरिका युद्ध अन्त्यनजिकः ट्रम्प र पेजेशकियानले गरे हस्ताक्षर

अन्तर्राष्ट्रिय

गृहपृष्ठ
अन्तर्राष्ट्रिय

इरान–अमेरिका युद्ध अन्त्यनजिकः ट्रम्प र पेजेशकियानले गरे हस्ताक्षर

क्यापिटल नेपाल बिहीबार, असार ४, २०८३

काठमाडौं। इरान र अमेरिकाबिच जारी युद्ध अन्त्य गर्ने उद्देश्यसहित तयार गरिएको समझदारी पत्रमा अमेरिकी राष्ट्रपति डोनाल्ड ट्रम्प र इरानी राष्ट्रपति मसुद पेजेशकियानले हस्ताक्षर गरेका छन्।

इरानको विदेश मन्त्रालय र ह्वाइट हाउसले समझदारी पत्रमा डिजिटल माध्यमबाट हस्ताक्षर भएको पुष्टि गरेका छन्। इरानी विदेश मन्त्रालयका प्रवक्ता इस्माइल बाघाईका अनुसार हस्ताक्षर डिजिटल रुपमा भइसकेकाले स्विट्जरल्यान्डको जेनेभामा कुनै औपचारिक हस्ताक्षर समारोह आयोजना नहुने भएको हो।

सम्झौताअनुसार अब आगामी ६० दिनभित्र इरानको आणविक कार्यक्रम र प्रतिबन्ध हटाउने विषयमा केन्द्रित वार्ता हुनेछ। राष्ट्रपति ट्रम्पले उक्त समयावधि अन्तिम नभएको बताएका छन्।

ह्वाइट हाउसका अधिकारीका अनुसार इरानको पूर्वाधार पुनर्निर्माण तथा आर्थिक पुनरुत्थानका लागि ३०० अर्ब अमेरिकी डलर बराबरको कोष स्थापना गर्ने प्रस्ताव गरिएको छ। उक्त रकम मुख्यतः इरानका छिमेकी तथा क्षेत्रीय साझेदार राष्ट्रहरूले लगानीका रुपमा उपलब्ध गराउने छन्।

प्रकाशित मिति: बिहीबार, असार ४, २०८३ ०८:१५

प्रतिक्रिया दिनुहोस्