विद्युत् नियमन आयोग अध्यक्ष बन्न सात उम्मेदवारको अन्तिम नामावली सार्वजनिक, को

पूर्वाधार

गृहपृष्ठ
पूर्वाधार

विद्युत् नियमन आयोग अध्यक्ष बन्न सात उम्मेदवारको अन्तिम नामावली सार्वजनिक, को–को छानिए

क्यापिटल नेपाल बिहीबार, असार ४, २०८३

काठमाडौं। ऊर्जा, जलस्रोत तथा सिँचाइ मन्त्रालयले विद्युत् नियमन आयोग अध्यक्ष नियुक्ति प्रक्रियाअन्तर्गत अन्तिम सात जना उम्मेदवारको नामावली सार्वजनिक गरेको छ।

मन्त्रालयअन्तर्गतको विद्युत् नियमन आयोग अध्यक्ष तथा सदस्य नियुक्ति सिफारिस समितिले सूचना जारी गर्दै व्यावसायिक कार्ययोजना प्रस्तुतीकरण तथा अन्तर्वार्ताका लागि छनोट भएका उम्मेदवारको नाम सार्वजनिक गरेको हो।

समितिका अनुसार अध्यक्ष पदका लागि दरखास्त दिएका उम्मेदवारमध्ये आवश्यक न्यूनतम शैक्षिक योग्यता तथा कार्यानुभव पूरा गरेका र व्यावसायिक कार्ययोजनाको मूल्यांकनमा ५० प्रतिशत वा सोभन्दा बढी अंक प्राप्त गरेका उम्मेदवारलाई अन्तिम चरणका लागि छनोट गरिएको हो।

छनोट हुनेमा केशवध्वज अधिकारी, डा. रामप्रसाद धिताल, मधुप्रसाद भेटवाल, मोतीबहादुर कुँवर, डा. मधुसूदन अधिकारी, डा. भोलानाथ शर्मा घिमिरे र नारायणप्रसाद सापकोटा रहेका छन्।