संस्थापक र सर्वसाधारण सेयर एउटै आइजिनमा मिसाउने पियोर इनर्जीको माग खारेज

सेयर

गृहपृष्ठ
सेयर

संस्थापक र सर्वसाधारण सेयर एउटै आइजिनमा मिसाउने पियोर इनर्जीको माग खारेज

क्यापिटल नेपाल बिहीबार, असार ४, २०८३

काठमाडौं। संस्थापक सेयरधनी र सर्वसाधारण सेयरधनीका सेयरलाई एउटै आइजिन नम्बरमा मिसाएर डिम्याट गर्नुपर्ने पियोर इनर्जी लिमिटेडको माग उच्च अदालत पाटनले अस्वीकार गरिदिएको छ। न्यायाधीशद्वय गणेशप्रसाद बराल र सूर्यप्रसाद पराजुलीको संयुक्त इजलासले बुधबार यस सम्बन्धी रिट खारेज गर्यो।

सौर्य ऊर्जा क्षेत्रमा कार्यरत पियोर इनर्जीले आफ्ना ६४ लाख कित्ता सेयरलाई एउटै आधारमा अभौतिकीकरण गरिनुपर्ने भन्दै २०८२ पुस २८ गते रिट दायर गरेको थियो। कम्पनीका अध्यक्ष अक्षय गोल्याण र भारतीय लगानीकर्ता संस्था रेनर्जी डेभलपर्सका तर्फबाट निशान्त गोयलको अख्तियारीमा अधिवक्ता कविता कार्कीले यो मुद्दा अदालतमा पुर्‍याएकी थिइन्। अर्थ मन्त्रालय, नेपाल धितोपत्र बोर्ड, सीडीएस एन्ड क्लियरिङ लिमिटेड (सीडीएससी) र नेपाल स्टक एक्सचेन्जलाई विपक्षी बनाइएको थियो।

संस्थापक र सर्वसाधारण सेयरधनीका नाममा फरक-फरक आइजिन नम्बर दिने व्यवस्था कानुनसँग बाझिने, र लकइनमा रहेका सेयर नियन्त्रण गर्न प्राविधिक उपायबाटै सम्भव हुने कम्पनीको तर्क थियो थियाे तर अदालतले यो दाबीलाई पुष्टि गर्ने पर्याप्त आधार नभेट्टाएको जनाएकाे छ। फैसलासँगै संस्थापक र सर्वसाधारण सेयरबीचको पहिचान छुट्टै राख्ने हालको प्रणालीलाई कानुनी मान्यता थप पुष्टि भएको छ।

प्रकाशित मिति: बिहीबार, असार ४, २०८३ १४:४१

प्रतिक्रिया दिनुहोस्