सातओटा प्रदेशको बजेट २६४ अर्ब, सबैभन्दा बढी बागमती र कम सुदुरपश्चिमको, कुनको कति ?

मुख्य समाचार

गृहपृष्ठ
मुख्य समाचार

सातओटा प्रदेशको बजेट २६४ अर्ब, सबैभन्दा बढी बागमती र कम सुदुरपश्चिमको, कुनको कति ?

क्यापिटल नेपालसोमबार, असार १, २०७७

काठमाडौं । आगामी आर्थिक वर्षका लागि ७ ओटै प्रदेशहरुले बजेट सार्वजनिक गरेका छन । सातओटा प्रदेशहरुले कुल २ खर्ब ६४ अर्ब २० करोड रुपैयाँ बराबरको बजेट ल्याएका छन ।

सबैभन्दा बढी बजेट बागमती प्रदेशको छ । बागमती प्रदेशले ५१ अर्ब ४२ करोड ७४ लाख रूपैयाँको बजेट सार्वजनिक गरेको छ । सबैभन्दा कम बजेट सुदुरपश्चिम प्रदेशको छ । सुदुर पश्चिमले ३३ अर्ब ३८ करोड १३ लाख रुपैयाँको बजेट ल्याएको छ ।

सातओटै प्रदेशका सरकारहरूले कोरोना भाइरस महामारीको रोकथाम, नियन्त्रण र उपचारमा केन्द्रित रहेर प्रदेशसभामा बजेट पेश गरेका छ । यसबाहेक कृषि, शिक्षा र रोजगारी सिर्जनमा बजेट विनियोजन गरिएको छ ।

संघीय सरकारले गत जेठ १५ गते आगामी आर्थिक वर्षका लागि १४ खर्ब ७४ अर्ब रुपैयाँको बजेट प्रस्तुत गरेको छ । प्रत्येक असार १ गते प्रदेश सरकारहरुले बजेट सार्वजनिक गर्नुपर्ने कानूनी व्यवस्था छ ।

प्रदेश सरकारहरुले ल्याएको बजेटमा कोरोनाका कारण रोजगारी गुमाएका मानिसहरूलाई स्थानीय स्तरमा नै अवसरहरू दिलाउन कार्यक्रमहरू प्रस्ताव गरिएका छन्।यसंैगरी बजेटमा प्रदेश र स्थानीय तहका स्वास्थ्य, शिक्षा र कृषि मुख्य प्राथमिकता दिएका छन ।

प्रदेश सरकारहरूलाई बजेट बनाउन संघले निश्चित प्रतिशत रकम समानीकरण र समपुरकसहित अनुदानका रूपमा दिने संवैधानिक व्यवस्था छ।

यस्ता छन सातवटा प्रदेशका बजेट

प्रदेश १

कुल बजेटः ४० अर्ब ८९ करोड ९९ लाख रूपैयाँ

स्वास्थ्य तथा कोरोनाभाइरस नियन्त्रण अस्पतालको स्तरोन्नतिमा १ अर्ब ८६ करोड

कृषिमा ३ अर्ब ८३ करोड

श्रम तथा रोजगारीममा ४३ करोड

शिक्षामा ३५ करोड ९० लाख

कोरोनाले रोजगार गुमाएकालाई लक्षित कार्यक्रम ३ करोड रूपैयाँ

प्रदेश २
कुल बजेटः ३३ अर्ब ५६ करोड ९ लाख ९९ हजार

कोरोना भाइरस नियन्त्रणमा ७० करोड २७ लाख

श्रम तथा रोजगारीमा २६ करोड्