काठमाडौं। वन्यजन्तुको आक्रमणबाट अभिभावक गुमाएका मानव–वन्यजन्तु द्वन्द्व प्रभावित परिवारका विद्यार्थीलाई छात्रवृत्ति प्रदान गरिएको छ।
कृषि, वन तथा पर्यावरणमन्त्री गिता चौधरीले निकुञ्ज कार्यालयमा आयोजित कार्यक्रमममा प्रभावित परिवारका छात्रछात्राहरूलाई जनही १० हजार रुपैयाँका दरले छात्रवृत्ति रकम हस्तान्तरण गरिन्।
मन्त्री चौधरीले विभिन्न समयमा बाघ, भालु, गैँडा तथा हात्तीको आक्रमणमा परी अभिभावक गुमाएका कक्षा १ देखि १२ सम्म अध्ययनरत विद्यार्थीलाई यो आर्थिक सहयोग प्रदान गरिएको हो।
छात्रवृत्ति पाउने ९ जना विद्यार्थीमध्ये ४ जनालाई यस वर्ष पनि निरन्तरता पाएका छन्। राहत पाउनेमा निकुञ्ज आसपासका पौपाण्डव, बघौडा, रैवा, बुढीराप्ती, मेघौली, केरुंगा, अयोध्यापुरी मध्यवर्ती उपभोक्ता समिति तथा मृगकुञ्ज मध्यवर्ती सामुदायिक वन उपभोक्ता समिति क्षेत्रका विपन्न एवं प्रभावित परिवारका बालबालिका रहेका छन्।
स्थानीय तहमा वन्यजन्तुको उच्च जोखिमका बीच संरक्षणमा योगदान पु¥याउँदै आएका अति विपन्न परिवारलाई लक्षित गरी निकुञ्जले राष्ट्रिय प्रकृति संरक्षण कोषसँग मिलेर यो कार्यक्रम ल्याएको छ।
छात्रवृत्ति वितरण गर्दै मन्त्री चौधरीले वन्यजन्तुको आक्रमणबाट पीडित बनेका र अधिकांश आर्थिक रूपमा कमजोर रहेका परिवारका बालबालिकाको शिक्षामा यस सहयोगले सानो भए पनि राहत पुर्याउने विश्वास व्यक्त गरिन्।
मध्यवर्ती क्षेत्रका बासिन्दाले भोग्नुपरेको पीडाप्रति सरकार संवेदनशील रहेको उल्लेख गर्दै मन्त्री चौधरीले मानव र वन्यजन्तुबीचको द्वन्द्वलाई दीर्घकालीन रूपमा न्यूनीकरण गर्न तथा प्रभावितलाई उचित राहत एवं क्षतिपूर्ति दिलाउन सरकार निरन्तर प्रयासरत रहेको बताइन्।
-1782193239.jpeg)
