नेपालमा पनि भित्रियो सलह किरा, ४ जिल्लामा प्रकाेप फैलिएकाे पुष्टि

कृषि

गृहपृष्ठ
कृषि

नेपालमा पनि भित्रियो सलह किरा, ४ जिल्लामा प्रकाेप फैलिएकाे पुष्टि

हरिप्रसाद शर्मा शनिबार, असार १३, २०७७

काठमाडौं । नेपालमा पनि बाली सखाप पार्ने सलह जातको फटेङ्ग्रा भित्रिएको छ । अमेरिकादेखि भारतमा ठूलो मात्रामा प्रकोपका रुपमा देखिएको सलह किराले नेपालको ४ जिल्लामा बाली नष्ट गरेको कृषि विभागका सुचना अधिकारी डा. महादेवप्रसाद अधिकारीले क्यापिटल नेपाललाई जानकारी दिए ।

सलह भित्रिएपछि कृषि तथा पशुपन्छी विकास मन्त्रालयमा आकस्मिक बैठक बस्दैछ । ‘नेपालको दुई ठाउँमा सलह जातको फटेङ्ग्रा भित्रिएको छ । सलहकै फटेङ्ग्रा नै हो भन्ने पुष्टि भएको छ । यसबारे रणनीति बनाउन कृषि मन्त्रालयले आकस्मिक बैठकले बोलाएको हो।

बुटवल, बारा, पर्सा र सर्लाहीको नवलपुरमा यो किराले क्षति पुर्याएको पुष्टि भएको छ । शनिबार बिहान मात्रै यसबारे जानकारी भएको मन्त्रालयका प्रवक्ता हरिबहादुर केसीले बताए ।

उनले प्राविधिकलाइ खटाएर यर्थाय जानकारी दिन आग्रह गरिएको बताए। कति संख्यामा आएको हो र यसले कति क्षति गर्छ भन्ने बारेमा मन्त्रालयले अध्ययन गरेपछि मात्रै जानकारी दिने छ । सलहको बथान नै नभएर केही झुन्ड देखिएको जनाइएको छ । यसबारे प्राविधिकलाइ फिल्डमा खटाइएकाे मन्त्रालयले जनाएकाे छ ।

सलह किराको हुलले सिंगो खेती हुने बाली केही छिनमै सखाप पार्ने गर्छ । एक वर्ग किलोमिटर क्षेत्रफलमा १५० लाखसम्म हुने यिनीहरु दैनिक ९० माइल१ ५० किमी सम्मको यात्रा दुरी पार गर्न सक्छन । औसतमा एउटा बथानले २५ हजारभन्दा बढी मानिसलाई खान पुग्ने खाना एक दिनमा सखाप पार्ने गरेको जनाइएको छ ।

प्रकाशित मिति: शनिबार, असार १३, २०७७ १२:१२

प्रतिक्रिया दिनुहोस्