२०० % हकप्रद विक्री गर्न समृद्धि फाइनान्सले पायो अनुमति

मुख्य समाचार

गृहपृष्ठ
मुख्य समाचार

२०० % हकप्रद विक्री गर्न समृद्धि फाइनान्सले पायो अनुमति

क्यापिटल नेपाल बुधबार, भदौ ३, २०७७

काठमाडौं । समृद्धि फाइनान्स कम्पनी लिमिटेडले २०० प्रतिशत हकप्रद शेयर विक्री गर्न अनुमति पाएको छ । कम्पनीले १ बराबर २ को अनुपातमा रू. ३६ करोड ३९ लाख ६० हजार ६०० बराबरको ३६ लाख ३९ हजार ६०६ कित्ता हकप्रद शेयर विक्री गर्न नेपाल धितोपत्र बोर्डबाट भदौ २ गते अनुमति पाएको हो । उक्त कम्पनीले हकप्रद विक्रीको अनुमति माग्दै गत फागुन २३ गते बोर्डमा निवेदन दर्ता गराएको थियो ।

यो हकप्रद विक्री प्रबन्धकमा बिओके क्यापिटल मार्केट लिमिटेड रहेको छ । हाल कम्पनीको चुक्तापूँजी रू. १८ करोड १९ लाख ८० हजार रहेको छ ।

सोहि पूँजीको आधारमा कम्पनीले २०० प्रतिशत हकप्रद शेयर विक्री गर्न लागेको हो । विसं २०७६ साल साउन १५ गते समस्याग्रस्त संस्थाबाट फुकुवा भएको उक्त कम्पनीले आफ्नो व्यवसाय विस्तारमा जोड दिदैं गएको छ ।

गत आर्थिक वर्षको चौथो त्रैमासमा कम्पनीले रू. ३ करोड ३८ लाख ८३ हजार खुद नाफा गरेको छ । त्यस अवधिसम्म कम्पनीको वितरणयोग्य नाफा रू. २ करोड ६६ लाख ५ हजार रहेको छ । चौथो त्रैमाससम्म कम्पनीको जगेडा कोष रकम रू. २३ करोड ६९ लाख ९८ हजार कायम भएको छ । अघिल्लो वर्ष शतप्रतिशत निष्क्रिय कर्जा रहेको कम्पनीले गत वर्ष ८६ दशमलव ६४ प्रतिशतमा यो कर्जा झारेको छ ।

प्रतिशेयर आम्दानी रू. १८ दशमलव ६२ रहेको उक्त कम्पनीको दोस्रो बजारमा प्रतिशेयर अन्तिम मूल्य मंगलवार रू. ११० कायम भएको छ ।

प्रकाशित मिति: बुधबार, भदौ ३, २०७७ ०७:४३

प्रतिक्रिया दिनुहोस्