बिजुलीको माग १०० मेगावाट घट्यो, आयातमा कमी, भारतमा ५८ मेगावाट निकासी

अर्थतन्त्र

गृहपृष्ठ
अर्थतन्त्र

बिजुलीको माग १०० मेगावाट घट्यो, आयातमा कमी, भारतमा ५८ मेगावाट निकासी

क्यापिटल नेपाल बिहीबार, भदौ ११, २०७७

काठमाडौं । कोरोना महामारी नियन्त्रण गर्न विभिन्न स्थानीय तहहरुमा निषेधाज्ञा जारी भए पछि बिजुली खपत १०० मेगावाट हारहारीमा कमी आएको छ ।

सामान्य अवस्थामा बिजुलीको माग पिकआवर (साँझ) १ हजार ३०० मेगावाट भएकोमा अहिले घटेर १ हजार २०८ मेगावाट हारहारीमा रहेको नेपाल विद्युत प्राधिकरणले जनाएको छ । कोरोना नियन्त्रण गर्न ५० जिल्लाका विभिन्न स्थानीय तहहरुमा अहिले निषेधाज्ञा जारी गरिएको छ ।

पहिलाको बन्दाबन्दी (लकडाउन) को जस्तो बिजुली खपत नघटेको प्राधिकरणले जानकारी दिएको छ । यसअघि लकडाउन हुँदा बिजुली खपत घटेर ८०० मेगावाटमा झरेको थियो ।

त्यसबेला उद्योग व्यवसाय सबै बन्द भएकाले घरायसी प्रयोजनका लागि मात्र बिजुली खपत हुने गरेको थियो । अहिले तराइ क्षेत्रमा उद्योगहरु बन्द भएकाले बिजुलीको माग केही घटेको प्राकिरणको भनाई छ ।

यस्तै विद्युत प्राधिकरणले भारतबाट १९७ मेगावाट मात्र आयात गरेको छ । यसबीचमा ५८ मेगावाट भारततिरै निकासी गरेको छ ।

अघिल्लो वर्ष भारतबाट ६०० मेगावाटसम्म बिजुली आयात भएको थियो । आन्तरिक माग कम भएपछि विद्युत प्राधिकरणले केही परिमाण भारतबाट निकासी गरेको हो ।

प्राधिकरणका आयोजनाहरुबाट ४४३, निजी उत्पादकबाट ५६८, आयात १९८ र निर्यात ५८ मेगावाट रहेको छ ।गत वर्ष बिजुलीको आयात झण्डै ११ अर्ब घटेर १३ अर्ब रुपैयाँमा सीमित भएको छ ।

प्रकाशित मिति: बिहीबार, भदौ ११, २०७७ ०९:००

प्रतिक्रिया दिनुहोस्