३ मेगावाटको रावा खोला जलविद्युत् आयोजना राष्ट्रिय ग्रीडमा जोडियो

मुख्य समाचार

गृहपृष्ठ
मुख्य समाचार

३ मेगावाटको रावा खोला जलविद्युत् आयोजना राष्ट्रिय ग्रीडमा जोडियो

क्यापिटल नेपाल मंगलबार, भदौ १६, २०७७

काठमाडौं । ३ मेगावाट क्षमताको माथिल्लो रावा खोला साना जलविद्युत आयोजना राष्ट्रिय प्रणालीमा जोडिएको छ । खोटाङमा निर्मित उक्त जलविद्युुत् आयोजनाले मंगलबारदेखि व्यवसायिक रपमा विद्युत् उत्पादन सुरु गरेको हो ।

निर्माणको काम झण्डै चार वर्षमा सकिएपछि माथिल्लो रावा खोला साना जलविद्युत आयोजनाबाट उत्पादित विद्युत राष्ट्रिय प्रशारण लाईनमा जोडिएको आयोजनाका प्रवद्र्धक रावा इनर्जी डेभलपमेन्ट प्रालिका सञ्चालक मुक्ती तिम्सिनाले बताए।

केपीलासगढी गाउँपालिका–४ बाक्सिलास्थित सव–स्टेशनको काम पुरा नभएकाले हाललाई गाईघाट–दिक्तेल ३३ केभी प्रशारणलाईन अन्तरगत बुईपा सव–स्टेशनमा जोडिएको रावा इनर्जी डेभलपमेन्ट प्रालिले जनाएको छ। रावा खोलाको पानीलाई सुंदेलको बिहिबारेमा निर्माण गरिएको हेडड्रेसबाट २१ सय मिटर लामो पाईप लाईनमार्फत सुंदेलकै दाम्कुबेँसीमा पानी खसाएर विद्युत उत्पादन गरिएको हो।

राष्ट्रिय बाणिज्य बैंकको ७० प्रतिशत र प्रवद्र्धक रावा इनर्जी डेभलपमेन्ट प्रालिको ३० प्रतिशत गरी करिब ६० करोडको लागतमा माथिल्लो रावा खोलाको काम सम्पन्न भएको हो।

२०६८ सालदेखि पहल थालिए पनि २०७३ सालदेखि माथिल्लो रावा खोला साना जलविद्युत आयोजनाको कन्ट्रक्सनको काम सुरु गरिएको थियो। माथिल्लो रावा खोला साना जलविद्युत आयोजना जिल्लामा हालसम्म निजी क्षेत्रबाट सम्पन्न भएकामध्ये सबैभन्दा ठूलो क्षमताको जलविद्युत आयोजना हो।

प्रकाशित मिति: मंगलबार, भदौ १६, २०७७ १८:१३

प्रतिक्रिया दिनुहोस्