सेयर बजार १३ अंक बढ्यो, २५६ करोडको सेयर कारोबार

मुख्य समाचार

गृहपृष्ठ
मुख्य समाचार

सेयर बजार १३ अंक बढ्यो, २५६ करोडको सेयर कारोबार

क्यापिटल नेपाल बुधबार, भदौ २४, २०७७

काठमाडौं । बुधबार सेयर बजार दोहोरो अंकले बढेको छ । बजार १३ अंक बढेर नेपाल स्टक एक्सचेन्ज (नेप्से) परिसूचक १ हजार ५०८ अंकमा पुगेको छ । आइतबारदेखि घट्न सुरु भएको बजार बुधबार आएर बढेको छ ।

बुधबार २ अर्ब ५६ करोड ३४ लाख रुपैयाँ बराबरको ५७ लाख ९८ हजार ५३२ कित्ता सेयर किनबेच भएको छ । बुधबार नेपाल रि–इन्स्योरेन्स कम्पनी लिमिटेडको सबैभन्दा बढी सेयर किनबेच भएको छ ।

नेपाल रिको प्रतिकित्ता ८९१ मा २२ करोड ३१ लाख २२ हजार रुपैयाँको सेयर किनबेच भएको छ । यस्तै नागरिक लगानी कोषको ३ हजार ६३२ रुपैयाँमा १८ करोड ६४ लाख र शिवम सिमेन्ट लिमिटेडको ७४१ मा १२ करोड ६३ लाख रुपैयाँको सेयर किनबेच भएको नेप्सेले जनाएको छ ।

बैंक र विकास बैंक परिसूचकमा गिरावट आएको छ । व्यापार, जलविद्युत, उत्पादन, बीमा, लघुवित्त र म्युचअल फण्ड परिसूचक बढेको छ । राष्ट्रिय बीमा कम्पनी लिमिटेड, रिलायन्स इन्स्योरेन्स कम्पनी लिमिटेडका लगानीकर्ताले कमाएका छन ।