टुँडिखेलमा मनाइयो घोडेजात्रा

फोटो फिचर

गृहपृष्ठ
फोटो फिचर

टुँडिखेलमा मनाइयो घोडेजात्रा

क्यापिटल नेपालमंगलबार, चैत ७, २०७९

CKC_KTM_RSS_07(1)1679399008.jpeg काठमाडौं । प्रत्येक वर्ष चैत्र कृष्ण औंसीका दिन मनाइने घोडेजात्रा पर्व आज मनाइएको छ । घोडेजात्राका अवसरमा नेपाली सेनाले टुँडिखेलमा अश्वकला, शारीरिक व्यायाम, मोटरसाइकल खेल, युद्धकलालगायतका प्रदर्शन गरेका थिए ।

CKC_KTM_RSS_07(2)1679399009.jpg

घोडेजात्राको राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल 'प्रचण्ड', सभामुख देवराज घिमिरे लगायतका मन्त्रीगणले टुँडिखेल पुगेर अवलोकन गरेका थिए ।

घोडेजात्रा काठमाडौं उपत्यकामा मात्र मनाइन्छ । प्रत्येक वर्ष चैत्र कृष्ण औंसीका दिन टुँडिखेलमा घोडेजात्रा देखाइन्छ । जनविश्वासअनुसार टुँडिखेलको पूर्व–दक्षिण दिशामा रहेको एउटा रूखमा बास गर्ने गुरुमापा भन्ने राक्षसले सहरका बालबालिकालाई खाने गरेको थियो ।

CKC_KTM_RSS_07(2)1679399010.jpeg

पीडित स्थानीयवासीले विभिन्न उपायले त्यसलाई संहार गरे । राक्षसको प्रेतात्मा फेरि जागा भइ बालबालिकालाई अनिष्ट गर्नसक्ने भय स्थानीयवासीमा रहिरह्यो । यसै कारण प्रत्येक वर्ष चैत्र कृष्ण औँसीका दिन घोडेजात्रा गरी गुरुमापाको आत्मालाई घोडाको टापले कुल्चाएर दबाउने गरिएको हो । साथै सहरका कुनै पनि बालबालिकामाथि खतरा नहोस् भनी आजै राति त्यही रूखको फेदमा गुरुमापालाई खानेकुरा पनि दिइन्छ ।

CKC_KTM_RSS_07(1)1679399008.jpeg

रासस

प्रकाशित मिति: मंगलबार, चैत ७, २०७९ १७:३६

प्रतिक्रिया दिनुहोस्