फुटपाथ विस्तारका लागि न्यूरोड लगिएका डोजर हटाइयो (तस्बिरहरू)

फोटो फिचर

गृहपृष्ठ
फोटो फिचर

फुटपाथ विस्तारका लागि न्यूरोड लगिएका डोजर हटाइयो (तस्बिरहरू) काठमाडौं न्युरोड क्षेत्रको फुटपाथ विस्तारका लागि लगिएको डोजर केही वडाध्यक्ष र वडा सदस्यहरूले हटाएका छन्।

क्यापिटल नेपाल आइतबार, साउन ६, २०८१

काठमाडौं । काठमाडौं न्यूरोड क्षेत्रको फुटपाथ विस्तारका लागि लगिएको डोजर केही वडाध्यक्ष र वडा सदस्यहरूले हटाएका छन्। साउन ४ गते दमकल अफिस अगाडि जेब्राक्रसिङमा राखिएको डोजर आज हटाइएको हो। केही वडा अध्यक्ष र वडा सदस्यको सहभागीतामा स्थानीयले जेब्राक्रसमा राखिएको डोजर हटाएका हुन्।

उच्च अदालतले फुटपाथ बिस्तारको बाटो खोलिदिएपछि महानगरपालिकाले गत बुधबारदेखि पुनः काम सुरु गरेको थियो।

यसअघि काठमाडौं महानगरपालिकाले न्यूरोडमा फुटपाथ विस्तारका लागि सडकको कालोपत्रे समेत भत्काइसकेको अवस्थामा सडक डिभिजन कार्यालयले हस्तक्षेप गरेर सामान जफत गरिदिएपछि महानगरपालिकाले काटेको कालोपत्रे पनि टालेको थियो।

सडक डिभिजन कार्यालयको हस्तक्षेपको विरोधमा महानगरले उच्च अदालत पाटनमा रिट दिएको थिय । रिटमा सुनुवाइ गर्दै उच्चले सहरी सडक स्थानीय तह मातहतमा रहने भन्दै न्यूरोडमा फुटपाथ विस्तारको काम नरोक्न अन्तरिम आदेश दिएको थियो।

उच्च अदालत पाटनका न्यायाधीश ध्रुवराज नन्द र प्रकाश खरेलको संयुक्त इजलासले न्यूरोडमा फुटपाथ विस्तार रोक्ने गरी डिभिजन सडक कार्यालयले काठमाडौं महानगरपालिकालाई लेखेको पत्र कार्यान्वयन नगर्न भनेपछि महानगरपालिकाले काम थालेको हो।

महानगरले सडक विस्तारको काम थालेसँगै स्थानीयले भने विरोध गरिरहेका छन्।

phutpath-(13)-1721536312.jpeg