पर्यटक लाेभ्याउँछ हिमालपारिकाे जिल्ला (तस्बिरसहित)

फोटो फिचर

गृहपृष्ठ
फोटो फिचर

पर्यटक लाेभ्याउँछ हिमालपारिकाे जिल्ला (तस्बिरसहित)प्राचीन सहर, चोर्तेनहरूले सजिएको बाटो, त्सोके गुम्बा र शताब्दीयौं पुराना गुफाले मानव सभ्यताको प्रारम्भिक चरणको झल्को दिन्छन् भने मार्फा गाउँको संरचना, स्याउ खेती र बौद्ध तथा थकाली संस्कृतिको संगमले पर्यटक लोभिन्छन्।

क्यापिटल नेपालशनिबार, जेठ १७, २०८२

प्राकृतिक तथा सांस्कृतिक रुपले समृद्ध मुस्ताङमा घुम्न लायक थुप्रै ठाउँ छन्। हिमालपारिको जिल्ला भनेर चिनिने मुस्ताङमा स्वदेशीसँगै विदेशी पर्यटक पनि घुम्न पुग्ने गर्छन्।

अपर मुस्ताङ, ल्हो मान्थाङ आदि यहाँ ऐतिहासिक ठाउँ हुन्। लोपा भूमि भनिने यो क्षेत्रमा तिब्बतको सांस्कृतिक प्रभाव छ। यहाँका लोपा समुदायले आफ्नो मौलिक भाषा, पहिरन र परम्परा अझै जगेर्ना गर्दै आएका छन्। प्राचीन सहर, चोर्तेनहरूले सजिएको बाटो, त्सोके गुम्बा र शताब्दीयौं पुराना गुफाले मानव सभ्यताको प्रारम्भिक चरणको झल्को दिन्छन्। मार्फा गाउँको संरचना, स्याउ खेती र बौद्ध तथा थकाली संस्कृतिको संगमले पर्यटकलाई लोभ्याउँछ।

मुस्ताङका ताल निकै सुन्दर छन्। यहाँका संग्रहालयले पनि आगन्तुकलाई पर्याप्त जानकारी दिन्छन्।

मौसम सफा भएको बेला बिहान ५ बजेदेखि नै हिमाल खुलेका हुन्छन्। दिउँसो १२ बजेपछि भने विस्तारै हावा चल्न थाल्छ र हिमाल तुवालोले ढाकिँदै जान्छन्। जलवायु परिवर्तनका कारण हिमाल नांगिँदै गएकामा स्थानीयका साथै पर्यटक पनि चिन्ता व्यक्त गर्छन्।

mustang-(21)-1748667277.jpg