भ्रष्टाचारले बदनाम पतञ्जली जग्गाकाे सेराेफेराे (तस्बिरसहित)

फोटो फिचर

गृहपृष्ठ
फोटो फिचर

भ्रष्टाचारले बदनाम पतञ्जली जग्गाकाे सेराेफेराे (तस्बिरसहित)अख्तियार दुरुपयोग अनुसन्धान आयोगले जेठ २२ मा पतञ्जली जग्गा हिनामिना प्रकरणमा नेकपा (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपालसहित ९३ जनाविरुद्ध भ्रष्टाचार मुद्दा दायर गरेको छ। यो मुद्दासँगै पतञ्जली योगपीठले १५ वर्षअघि हदबन्दी छुटमा किनेको काभ्रेको साँगास्थित जग्गा चर्चामा छ।

क्यापिटल नेपालशनिबार, जेठ ३१, २०८२

अख्तियार दुरुपयोग अनुसन्धान आयोगले जेठ २२ मा पतञ्जली जग्गा हिनामिना प्रकरणमा नेकपा (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपालसहित ९३ जनाविरुद्ध भ्रष्टाचार मुद्दा दायर गरेको छ। यो मुद्दासँगै पतञ्जली योगपीठले १५ वर्षअघि मन्त्रिपरिषद्बाट निर्णय गराई हदबन्दी छुटमा किनेको काभ्रेको साँगास्थित जग्गा चर्चामा आएको छ।

नेपाल नेतृत्वको मन्त्रिपरिषद्ले दुई महिने अवधिमै हदबन्दी छुट जग्गा खरिद गर्न स्वीकृति दिनेदेखि बिक्री अनुमति पनि दिने निर्णय गरेको थियो। २०६६ माघ १८ को मन्त्रिपरिषद्‌ बैठकले ८१५ रोपनी जग्गा हदबन्दी छुटमा खरिद गर्न पतञ्जलीलाई स्वीकृति दिएको थियो।

यसैगरी २०६६ चैत ६ मा पतञ्जलीले हदबन्दी छुटमा किनेको जग्गा बेच्न पाउने निर्णय मन्त्रिपरिषद्ले गरेको थियो। सरकारले जग्गा बिक्री गर्न अनुमति दिने निर्णय गरेपछि भ्रष्टाचार भएको आशंकामा अख्तियारले अनुसन्धान अगाडि बढाएको थियो।भूमिसम्बन्धी ऐन, २०२१ मा कुनै उत्पादनमूलक उद्योग वा व्यवसाय गर्न सरकारले हदबन्दीमा छुट हुने गरी जग्गा राख्ने सुविधा व्यवस्था छ। तर, त्यसरी सुविधामा खरिद गरेको जग्गा बिक्री गर्न पाइँदैन। तर, यो जग्गा विभिन्न व्यक्तिलाई बिक्री गरिएको अख्तियारले विशेष अदालतमा दायर गरेको आरोपपत्रमा उल्लेख छ।