एनआरएन हङकङमा दोहोरिदैँ नेतृत्व, अध्यक्षमा राधिका गुरुङ विजयी

मुख्य समाचार

गृहपृष्ठ
मुख्य समाचार

एनआरएन हङकङमा दोहोरिदैँ नेतृत्व, अध्यक्षमा राधिका गुरुङ विजयी

क्यापिटल नेपाल आइतबार, साउन १२, २०७६

काठमाडौं । एनआरएन हङकङको अध्यक्षमा राधिका गुरुङ विजयी भएकी छन् । यसअघि उपाध्यक्ष रहेका निरन्जन गुरुङलाइ फराकिलो मतले पछि पार्दै उनी अध्यक्षमा विजयी भएकी हुन् । उनले २७५ मत प्राप्त गरेकी थिइन् । उनका प्रतिष्पर्धी निरन्जन गुरुङले भने १६० मत प्राप्त गरे ।

१७ सदस्यीय नयाँ कार्यसमिति चयनमा अध्यक्षबाहेक अन्य पदमा भने निर्विरोध चयन भएको थियो । यसअघि उपाध्यक्ष रहेका निरन्जन गुरुङले अध्यक्ष पदका लागि दाबी नछाडेपछि निर्वाचन भएको थियो ।

नयाँ कार्यसमितिको उपाध्यक्षमा किसन राई र कर्म गुरुङ, महासचिवमा गोकर्णप्रसाद ढकाल, सचिवमा डिल्लीराम विक, कोषाध्यक्षमा सन्तोषकुमार गुरुङको निर्विरोध विजयी भएका छन् । महिला संयोजकमा अनु राइ, युवा संयोजकमा प्रेम लामा सदस्यमा विजयकुमार गुरुङ,अर्जुन गौँचन र अरविन सिंह निर्विरोध भएका छन्

अध्यक्षमा विजयी गुरुङले हङकङमा रहेका नेपालीलाइ समेटेर अझै अघि बढ्ने र दुइबर्षअघि थालनी गरेका कामहरु निरन्तता दिने बताइन् । उनले एनआरएन हङकङका क्षेत्रमा अझै सशक्त भएर काम गर्ने प्रतिवद्धता व्यक्त गरिन् ।

प्रकाशित मिति: आइतबार, साउन १२, २०७६ २२:१९

प्रतिक्रिया दिनुहोस्