एनआईसी एसिया लघुवित्तको नाफा १५ करोड ९७ लाख

मुख्य समाचार

गृहपृष्ठ
मुख्य समाचार

एनआईसी एसिया लघुवित्तको नाफा १५ करोड ९७ लाख

क्यापिटल नेपाल सोमबार, माघ १९, २०७७

काठमाडौं । एनआईसी एसिया लघुवित्त वित्तीय संस्था लिमिटेडले चालू आर्थिक वर्षको दोस्राे त्रैमासमा १५ करोड ९७ लाख रुपैयाँ खुदनाफा गरेको छ । संस्थाले दोस्राे त्रैमाससम्ममा ८ अर्ब ५५ करोड रुपैयाँ कर्जा लगानी गरेको जनाएको छ ।

समीक्षा अवधिमा संस्थाले १ अर्ब ४ करोड रुपैयाँ बचत संकलन गरेको छ । निष्कृय कर्जा अनुपात ०.९६ प्रतिशत र प्रतिसेयर आम्दानी २१ रुपैयाँ ५९ पैसा छ ।

संस्थाले स्वदेशी लघुवित्त वित्तीय संस्थासँग गाभ्ने/ गाभिने (मर्जर) गर्ने सम्बन्धी अन्तिम समझौतापत्रमा हस्ताक्षर गरिसकेको छ । मर्जरपछि एनआईसी एसिया सबैभन्दा ठूलो शाखा सञ्जाल र चुक्तापुँजी भएको संस्था बन्नेछ ।

संस्थाको कर्णाली प्रदेश लगायत मुलुकका विकट पहाडी तथा हिमाली जिल्लाहरुमा समेत गरी १२० शाखा सञ्चालनमा छन् भने स्वदेशी लघुवित्तको देशभरि ८५ शाखा संचालनमा छन् । मर्जरपश्चात कुल शाखा संख्या २०५ शाखा हुनेछ ।

प्रकाशित मिति: सोमबार, माघ १९, २०७७ १६:०८

प्रतिक्रिया दिनुहोस्