व्यवसाय पुनरुत्थान गर्ने उपायको खोजी गर्दै उद्योग मन्त्रालय

उद्योग

गृहपृष्ठ
उद्योग

व्यवसाय पुनरुत्थान गर्ने उपायको खोजी गर्दै उद्योग मन्त्रालय

क्यापिटल नेपाल बिहीबार, फागुन २७, २०७७

काठमाडौं । कोरोना भाइरस(कोभिड–१९)को कारण समस्यामा परेको व्यवसायहरुलाई कसरी पुनरुत्थान गर्न सकिन्छ भन्ने उपायहरुको खोजीमा उद्योग वाणिज्य तथा आपूर्ति मन्त्रालय लागि परेको छ ।

विदेशी मुलुकले व्यवसाय पुनरुत्थानमा प्रयोग गरेका उपायहरुलाई नेपालमा कसरी प्रयोग गर्ने र प्रभावकारी बनाउने विषयमा अर्थशास्त्रीहरुसँग छलफल अघि बढाएको हो ।

बिहीबार कोभिडका कारण उद्यम व्यवसाय क्षेत्रमा परेको प्रभाव र समधानको रणनैतिक कार्यढाँचा निर्माण गर्ने उद्देश्यले उद्योग वाणिज्य तथा आपूर्ति मन्त्रालय,निजी क्षेत्र र अन्तर्राष्ट्रिय श्रम संगठनको नेपालस्थित कार्यालय(आइएलओ)को संयुक्त आयोजनामा व्यवसाय पुनरुत्थानसम्बन्धी कार्यक्रम सम्पन्न भएको हो ।

वरिष्ठ अर्थशास्त्री डाक्टर विश्व पौडेलले नेपालको व्यवसाय क्षेत्रमा कोभिडको प्रभाव, सरकार र निजी क्षेत्रले गरेका कामहरु र त्यसको प्रभावकारिता सन्दर्भमा कार्यपत्र प्रस्तुत गरेका थिए ।

बेलायत दूतावासका निजी क्षेत्र विकास सल्लाहकार रवर्ट क्लार्कले बेलायत सरकार र अन्य केही मुलुकहरुले कोभिडको महामारीबाट व्यवसाय क्षेत्रमा परेको असर न्यूनीकरण गर्न अपनाएका रणनैतिक आर्थिक तथा अन्य उपायहरुको सन्दर्भमा कार्यपत्र प्रस्तुत गरेका थिए ।

प्रकाशित मिति: बिहीबार, फागुन २७, २०७७ १६:४९

प्रतिक्रिया दिनुहोस्