भरतपुरको सिजी ल्यान्डमार्कमा केएफसी, पोल्ट्री व्यवसाय प्रवद्र्धनमा योगदान पुग्ने विश्वास

पर्यटन

गृहपृष्ठ
पर्यटन

भरतपुरको सिजी ल्यान्डमार्कमा केएफसी, पोल्ट्री व्यवसाय प्रवद्र्धनमा योगदान पुग्ने विश्वास

क्यापिटल नेपाल बिहीबार, चैत १९, २०७७

काठमाडौं । अमेरिकी फास्टफुड चेन केएफसीले चितवनमा आउटलेट सुरु गरेको छ ।

विभिन्न अन्तर्राष्ट्रिय ब्रान्डलाई चितवनका उपभोक्तामाझ पु¥याउने उद्देश्यले आउटलेट चितवनमा सञ्चालन गरिएको हो । चितवनको भरतपुरस्थित अत्याधुनिक व्यापारिक कम्प्लेक्स सिजी ल्यान्डमार्कमा नयाँ आउटलेट सञ्चालनमा आएको हो ।

नेपालमा केएफसीको अधिकृत प्रतिनिधि देवयानी इन्टरनेसनल नेपाल प्रालिले उक्त रेस्टुराँ सञ्चालनमा ल्याएको हो । कार्यक्रमको उद्घाटन सिजी ल्यान्डमार्कका अध्यक्ष राजेन्द्र अर्याल र म्यानेजर उज्ज्वल केसी गरेका हुन् ।

उक्त रेस्टुराँ १५ सय १५ वर्गफिट क्षेत्रफलमा सञ्चालन भएको छ । एकपटकमा ४० जनालाई सेवा दिन सक्ने सो रेस्टुराँले सुरुकै दिनबाट ‘टेक अवे’ र ‘मेरो किनमेल’मार्फत होम डेलिभरी सेवा सुरु गरिसकेको छ । रेस्टुराँमा १५ जनाले प्रत्यक्ष रोजगारी पाएका छन् ।

पोल्ट्रीको राजधानी मानिने चितवनमा चिकेन परिकारमा ख्याति कमाएको केएफसीको आगमनसँगै पोल्ट्री व्यवसाय प्रबद्र्धनमा समेत योगदान पुग्ने विश्वास गरिएको छ ।

कोभिड महामारीबीच सञ्चालनमा आएको केएफसीले ग्राहकलाई संकक्रमबाट जोगाउन अन्तर्राष्ट्रिय स्तरको चार तहको सुरक्षा मापदण्ड अपनाएको छ ।

प्रकाशित मिति: बिहीबार, चैत १९, २०७७ १२:४३