प्रभु सेलेक्ट फण्डको प्राथमिक निष्कासन जेठ १९ सम्म, १ अर्बको बिक्री खुला

मुख्य समाचार

गृहपृष्ठ
मुख्य समाचार

प्रभु सेलेक्ट फण्डको प्राथमिक निष्कासन जेठ १९ सम्म, १ अर्बको बिक्री खुला

क्यापिटल नेपाल सोमबार, वैशाख २७, २०७८

काठमाडौं । प्रभु सेलेक्ट फण्डले आगामी जेठ ५ गतदेखि फण्डको प्राथमिक निष्कासन तथा बिक्री खुला गर्ने भएको छ । प्रभु सामूहिक लगानी कोषअन्तर्गत रहेको उक्त फण्डले १ अर्ब बराबरको १० करोड एकाइ जारी गर्न लागेको हो ।

उक्त फण्डको व्यवस्था पनि प्रभु क्यापिटल, कोष प्रवद्र्धकमा प्रभु बैंक तथा योजना व्यवस्थापन प्रभु क्यापिटल लिमिटेडले गरेका छन् ।
सो योजनाले एकाइ बिक्रीबाट संकलित रकमको ८० देखि १०० प्रतिशतसम्म सेयरमा लगानी गर्छ ।

निष्काशित कुल एकाइमध्ये कोष प्रवद्र्धक प्रभु बैंकले १४ प्रतिशत अर्थात् १ करोड ४० लाख एकाइ र कोष व्यवस्थापक प्रभु क्यापिटललाई १ प्रतिशत अर्थात १० लाख एकाइ छुट्टयाइएको छ ।

यसरी जम्मा १५ प्रतिशत (१ करोड ५० लाख एकाइ) सुरक्षित गरिएको प्रभुले जनाएको छ ।
बाँकी ८ करोड ५० लाख एकाइका लागि सर्वसाधरणले आवेदन दिन सक्नेछन् ।

फण्डको एकाइमा लगानी गर्न इच्छुक लगानीकर्ताले ५ गतेबाट छिटोमा जेठ ९ गतेभित्र आवेदन दिन सक्नेछन् । सो अवधिमा सबै एकाइका लागि आवेदन नपरेको खण्डमा भने, जेठ १९ गतेसम्म एकाइ बिक्री खुला रहनेछ ।

प्रकाशित मिति: सोमबार, वैशाख २७, २०७८ १४:१९

प्रतिक्रिया दिनुहोस्