हिमालयन डिष्टिलरीको खुदनाफा ५४ प्रतिशतले बढ्यो, ९ महिनामा ६७ करोड २७ लाख

मुख्य समाचार

गृहपृष्ठ
मुख्य समाचार

हिमालयन डिष्टिलरीको खुदनाफा ५४ प्रतिशतले बढ्यो, ९ महिनामा ६७ करोड २७ लाख

क्यापिटल नेपाल सोमबार, वैशाख २७, २०७८

काठमाडौं । चालु आर्थिक वर्षको तेस्रो त्रैमाशसम्म हिमालयन डिष्टिलरी लिमिटेडको नाफा ५३.८९ प्रतिशतले वृद्धि भएको छ । गएको चैतसम्म कम्पनीले ६७ करोड २७ लाख रुपैयाँ खुदनाफा गरेको छ ।

अघिल्लो वर्षको यसै अवधिमा हिमालयनले ४३ करोड ७१ लाख रुपैयाँ खुदनाफा गरेको थियो । गत वर्षको तुलनामा यो वर्ष नाफा २३ करोड ५६ लाख रुपैयाँले बढेको कम्पनीले जनाएको छ ।

कुल कारोबार रकम ९ प्रतिशतले बढेपछि यसको सकरात्मक असर नाफामा परेको हो । चालु आर्थिक वर्षको ९ महिनामा कम्पनीले मदिरा बिक्रीबाट ३ अर्ब ८९ करोड रुपैयाँ आम्दानी गरेको छ । गत वर्षको यसै अवधिमा हिमालयनले ३ अर्ब ५७ करोड रुपैयाँ आम्दानी गरेको थियो ।

गत आर्थिक वर्षसम्मको नाफाबाट ५० प्रतिशत बोनस सेयर वितरण गरेर पूँजी वृद्धि भए पनि गत वर्षको यसै अवधिको वित्तीय अनुपातहरुसँग तुलना गर्दा यस वर्ष प्रति सेयर आम्दानी १००.७६ बाट बढेर १०३.३८ रुपैयाँ पुगेको हिमालयनले जनाएको छ । यस्तै तरलता अनुपात १.९६ बाट २.७४ भएको छ ।

गत वर्ष प्राप्त कारोबार भन्दा यस वर्षको चैत मसान्तसम्मको कारोबार वृद्धिको मुख्य आधार भनेको नै कम्पनीका उत्पादनहरुको गुणस्तर, उत्पादकत्व वृद्धि, थप बजारीकरण, उत्पादित व्राण्डको प्रतिष्ठा प्रति उपभोक्ताको पूर्ण विश्वास्, व्यवस्थापन खर्चको उचित परिचालन र व्यवस्थापनको उच्च लगनशिलता मुख्य कारण भएको कम्पनीले जनाएको छ ।

प्रकाशित मिति: सोमबार, वैशाख २७, २०७८ १८:३७