भारतका दोस्रो धनी गौतम अदानीले सेयर बजारबाट ४ दिनमै गुमाए २६ अर्ब ९८ करोड डलर

मुख्य समाचार

गृहपृष्ठ
मुख्य समाचार

भारतका दोस्रो धनी गौतम अदानीले सेयर बजारबाट ४ दिनमै गुमाए २६ अर्ब ९८ करोड डलर

क्यापिटल नेपाल शुक्रबार, असार ४, २०७८

चेन्नाइ, एजेन्सी । भारतका दोस्रो धनी गौतम अदानीले सेयर बजारबाट झण्डै २० खर्ब भारु अर्थात २६ अर्ब ९८ करोड अमेरिकी डलर गुमाएका छन । अदानीले लगानी गरेका कम्पनीको सेयर मूल्यमा गिरावट आउँदा ४ दिनमा सो रकम गुमाएको द इकोनेमिक टाइम्सले जनाएको छ ।

नेसनल सेक्युरिटिज डिपोजिटर्स लिमिटेड (एनएसडीएल) ले आडानी समूहका कम्पनीहरूका शीर्ष विदेशी लगानीकर्ताहरूमध्ये तीन मोरिसस(आधारित फन्डहरूको खाता जम्मा गरेको रकम रोकेपछि यसको असर सेयर मूल्यमा परेको हो ।

एनएसडीएल वेबसाइटले मे ३१ सम्मका तीन कोषहरू जम्मा गरेको रकम देखाइएको छ । अदानी ग्रुपले जारी गरेको प्रेस नोटमा सञ्चार माध्यममा आएको जानकारी गलत भएको दावी गरेको छ ।

यद्यपी अदानी ग्रुपका कम्पनीहरुले विमानस्थल, वन्दरगाहा, ऊर्जा उत्पादन, प्रसारण लाइन निर्माण, कोइला र ग्यास व्यापारको कारोबार नरोकिएको जनाएको छ ।

ग्रुपका अवुला इन्भेस्टमेन्ट फण्ड, स्रेस्टा फण्ड र एपीएमएस इन्भेस्टमेन्ट गरी ३ वटा विदेशी इन्भेस्टमेन्ट फण्डहरु रहेका छन । मौैरिसस फाइनान्सियल रेगुलेटरका अनुसार ती फण्डहरु सोही स्थानमा दर्ता भएका छन ।

प्रकाशित मिति: शुक्रबार, असार ४, २०७८ १८:१४