कोरिया जान भाषा परीक्षा उत्तीर्ण गरेकालाई फेरि मेडिकल परीक्षण गर्न विभागको निर्देशन

मुख्य समाचार

गृहपृष्ठ
मुख्य समाचार

कोरिया जान भाषा परीक्षा उत्तीर्ण गरेकालाई फेरि मेडिकल परीक्षण गर्न विभागको निर्देशन

क्यापिटल नेपाल बुधबार, असार ९, २०७८

काठमाडौं । ईपीएमार्फत कोरिया जान सन् २०१९ मा भाषा परीक्षा उत्तीर्ण गरेकाहरुले पुनः मेडिकल परीक्षण गर्नुपर्ने भएको छ । भाषा परीक्षा उत्तीर्ण गरी २०१९ पछि विभिन्न समयमा मेडिकल परीक्षण गरेका तर, लेबर कन्ट्रयाक नआई रोस्टर गुज्रिएकाहरुले पुनः मेडिकल परीक्षण गराउनुपर्ने भएको हो ।

वैदेशिक रोजगार विभागले एक सूचना जारी गर्दै पहिला परीक्षण गराएकै अस्पतलबाट फेरि परीक्षण गर्न निर्देशन दिएको छ । साथै पहिला परीक्षण गाराएकामध्ये निजामती कर्मचारी अस्पतालले हाल मेडिकल चेक नगर्ने विभागले जारी गरेको सूचनामा उल्लेख छ । पहिला उक्त अस्पतालमा चेक गराएकाहरुले अब शुक्रराज ट्रपिकल तथा सरुवा रोग अस्पताल, टेकुमा गई चेक गर्न सक्नेछन् ।

हाल काठमाडौंको शुक्रराज ट्रपिकल तथा सरुवा रोग अस्पताल टेकुमा आइतबारदेखि शुक्रबारसम्म बिहान १० देखि दिउँसो १ बजेसम्म परीक्षण हुन्छ ।

त्यस्तै नेपाल–कोरियामैत्री अस्पताल थिमिमा साताको दुईदिन आइतबार र बुधबारमा बिहान १० बजेदेखि तथा पाटन स्वास्थ्य विज्ञान प्रतिष्ठान (पाटन अस्पताल) ललितपुरमा साताको एक दिन मंगलबार बिहान १० बजेदेखि सेवा सुरु हुनेछ । परीक्षणका लागि २२ सय रुपैयाँ शुल्क लाग्ने बताइएको छ ।

No description available.