क्यापिटल नेपाल समाचार प्रभाव: निगमको जहाजबाट दुबई जाने यात्रुको पीसीआर केएमसीले गर्ने

पर्यटन

गृहपृष्ठ
पर्यटन

क्यापिटल नेपाल समाचार प्रभाव: निगमको जहाजबाट दुबई जाने यात्रुको पीसीआर केएमसीले गर्ने

क्यापिटल नेपाल सोमबार, साउन २५, २०७८

काठमाडौं । नेपाल वायुसेवा निगमको जहाजबाट दुबई जाने यात्रुको कोरोना भाइरस परीक्षण सिनामंगलस्थित केएमसी हस्पिटलले गर्ने भएको छ । केएमसी अस्पतालका फोकल पर्सन मेगराज खड्काले वायुसेवा निगमका यात्रुहरुको र्यापिड पीसीआर परीक्षण गर्ने जानकारी गराएका छन् ।

क्यापिटल नेपालले निजीलाई पोस्न निगमको जहाज रित्तै दुबई उड्दै, आरडीटी परीक्षण गर्न आनाकानी समाचार प्रकाशित गरेपछि अस्पताल व्यवस्थापनले यात्रुको र्यापिड पीसीआर गर्ने जानकारी गराएको हो ।

सोमबार राती ११ बजे हुने उडानका लागि यात्रुहरुलाई विमानस्थल भित्र आरडीटी परिक्षण गर्ने प्रबन्ध नभएकै कारण निगमको खाली जहाज त्यसतर्फ जान लागेको थियो।

दुबईमा जाने यात्रुहरु जहाजभरी रहँदा पनि आरडीटी परीक्षण नगरिएकै कारण त्यहाँका यात्रुहरु अन्य एयरलाइन्समा पठाउन लागिएको थियो । सोमबार हिमालय एयरलाइन्स, एयर अरेवियाले पनि दुबईमा उडान गर्दैछन् ।

ती एयरलाइन्स मध्ये एयर अरवियाले विमानस्थल भित्रै आरडीटी परीक्षण गराउने प्रबन्ध मिलाएको छ । यस्तै हिमालय एयरलाइन्सले सिनामंगलमा रहेको काठमाडौं मेडिकल कलेजमा परीक्षण गराउने व्यवस्था गरेको छ ।

नेपाल एयरलाइन्सले भने विमानस्थल भित्र आरडीटी परिक्षण गराउने अवस्था नभएकै कारणले खाली जहाज त्यसतर्फ पठाउन लागिएको निर्देशक जनक कालाखेतीले जानकारी दिएका थिए ।

यो पनि हेर्नुहोस
निजीलाई पोस्न निगमको जहाज रित्तै दुबई उड्दै, आरडीटी परीक्षण गर्न आनाकानी

प्रकाशित मिति: सोमबार, साउन २५, २०७८ १४:५३

प्रतिक्रिया दिनुहोस्