लक्ष्मी बैंकको नाफा बढेर पुग्यो १५४ करोड

मुख्य समाचार

गृहपृष्ठ
मुख्य समाचार

लक्ष्मी बैंकको नाफा बढेर पुग्यो १५४ करोड

क्यापिटल नेपाल शुक्रबार, साउन २९, २०७८

काठमाडौं । लक्ष्मी बैंकले गत आर्थिक वर्षमा नाफा बढाएको छ । गत आर्थिक वर्ष ०७७/०७८ मा बैंकले १ अर्ब ५४ करोड १३ लाख रुपैयाँ खुदनाफा गरेको छ ।

अघिल्लो आर्थिक वर्षको यसै अवधिमा बैंकले १ अर्ब ४१ करोड १५ लाख रुपैयाँ खुदनाफा गरेको थियो । अघिल्लो वर्षको तुलनामा गत आर्थिक वर्षमा बैंकले झण्डै १३ करोड रुपैयाँ खुदनाफा बढाएको छ । बैंकको वितरणयोग्य नाफा १ अर्ब १८ करोड रुपैयाँ भएको शुक्रबार सार्वजनिक गरेको वित्तीय विवरणमा उल्लेख छ ।

बैंकको प्रतिसेयर आम्दानी १४ रुपैयाँ ४१ पैसा रहेको छ । यस्तै नेटवर्थ १५७ रुपैयाँ छ । बैंकको निष्क्रिय कर्जा अनुपात १.२१, सीसीडी रेसियो ७९.६६, निक्षेप लागत ४.६१, आधारदर ९.३८ र ब्याजदर अन्तर (स्प्रेड) ३.४२ प्रतिशत रहेको छ ।

बैंकको खुदब्याज आम्दानी घटेर ३ अर्ब २१ करोड ९३ लाख रुपैयाँमा झरेको छ । अघिल्लो वर्ष ३ अर्ब ४६ करोड २१ लाख रुपैयाँ थियो । सञ्चित कोषको आकार ४ अर्ब ४० करोड र चुक्ता पुँजी १० अर्ब ६९ करोड रुपैयाँ रहेको छ ।

गत वर्ष बैंकले १ खर्ब १४ अर्ब ६० करोड रुपैयाँ निक्षेप परिचालन गरेर १ खर्ब ६ अर्ब रुपैयाँ कर्जा प्रवाह गरेको बैंकले जनाएको छ ।

प्रकाशित मिति: शुक्रबार, साउन २९, २०७८ ११:४३

प्रतिक्रिया दिनुहोस्