जापानका प्रधानमन्त्री सुगाले राजीनामा दिने, कोरोना नियन्त्रण गर्न नसकेको आरोप

मुख्य समाचार

गृहपृष्ठ
मुख्य समाचार

जापानका प्रधानमन्त्री सुगाले राजीनामा दिने, कोरोना नियन्त्रण गर्न नसकेको आरोप

क्यापिटल नेपाल शुक्रबार, भदौ १८, २०७८

टोकियो, एएनआई। जापानका प्रधानमन्त्री योशिहिडे सुगाले प्रधानमन्त्री पदबाट राजिनामा दिने भएका छन् । कोरोना भाइरसको माहामरी नियन्त्रणका लागि प्रभावकारी काम गर्न नसकेको भन्दै आलोचना भएकाले उहाँले राजीनामा दिन लागेका हुन् ।

प्रधानमन्त्रीको जिम्मेबारी लिएको झण्डै एक बर्षमै उनी जिम्मेबारीबाट बाहिरिन लागेका हुन् । उनको पार्टीमा निर्वाचनका कारण पनि सुगाले अहिले नै बाहिरिनु पर्ने अवस्था आइलागेको देखिएको छ ।

पार्टी लिवरल डेमोक्रेटिक पार्टी (एलडीपी) को निर्वाचन यही सेप्टेम्बर २९ तारिखमा हुन लागेको छ । त्यो निर्वाचनबाट नयाँ नेता आएपछि उनलाई नै सुगाले जिम्मेबारी हस्तान्तरण गर्नुपर्नेछ । त्यसैले प्रधानमन्त्री सुगाले यही सेप्टेम्बर ३० बाट प्रधानमन्त्रीको जिम्मेबारी छोड्ने जनाइएको छ ।

पार्टीका नेताहरुसँगको बैठकमा प्रधानमन्त्री सुगाले पार्टीको निर्वाचनमा आफूले उम्मेदवारी नदिने र प्रधानमन्त्रीको जिम्मेवारी पनि परित्याग गर्ने बताए । प्रधानमन्त्री सुगाले पार्टीको नेतृत्व नयाँ नेतालाई दिने मनस्थितिमा बनाएको एडीपीका महासचिव तोशिहिरो निकीले जानकारी दिए ।

उनले अघिल्लो बर्षको सेप्टेम्बरमा तत्कालिन प्रधानमन्त्री सिन्जे आबेले राजीनामा दिएपछि प्रधानमन्त्रीको जिम्मेबारी पाएको थियो। लामो समय जापानको नेतृत्व गर्नु भएका सिन्जेका अति विश्वास पात्रका रुपमा चिनिएका पुराना राजनीतिज्ञ सुगाले भने झण्डै एक बर्षमात्रै जापानको नेतृत्व गर्ने पक्का भएको छ । रासस

प्रकाशित मिति: शुक्रबार, भदौ १८, २०७८ १७:०९

प्रतिक्रिया दिनुहोस्