नागरिक उड्डयन प्राधिकरणको महानिर्देशकमा राजकुमार क्षेत्री नियुक्त

मुख्य समाचार

गृहपृष्ठ
मुख्य समाचार

नागरिक उड्डयन प्राधिकरणको महानिर्देशकमा राजकुमार क्षेत्री नियुक्त

क्यापिटल नेपाल सोमबार, कात्तिक ८, २०७८

काठमाडौं । नेपाल नागरिक उड्डयन प्राधिकरणको महानिर्देशकमा राजकुमार क्षेत्री नियुक्त भएका छन् । सोमबार बसेको मन्त्रिपरिषदको बैंठकले क्षेत्रिलाई नियुक्त गरेको हो ।

संस्कृती,पर्यटन तथा नागरिक उड्डयन मन्त्रालय मार्फत प्राधिकरणको महानिर्देशकका लागि क्षेत्रीको मात्र नाम सिफारिस गरेर मन्त्रिपरिषदमा पठाएको थियो । पर्यटन मन्त्री प्रेम आलेको प्रस्तावमा निमित्त रहेका क्षेत्रीलाई महानिर्देशकको जिम्मेवारी दिइएको बताइएको छ ।

तत्कालिन महानिर्देशक राजन पोखरेलले अवकाश लिएसँगै क्षेत्रीलाई वरिष्ठको आधारमा निमित्तको जिम्मेवारी दिइएको थियो । १२ औं तह मध्येका सिनियर रहेका क्षेत्री यस अघि त्रिभुवन अन्तर्राष्ट्रिय विमानस्थलको महाप्रबन्धक भएर काम गरेका थिए । विमानस्थलमा रहदा राम्रो काम गरेको जस उनलाई रहेको छ ।

कार्यकाल सकिन केहि महिना मात्र बाँकी रहेका क्षेत्रीले महानिर्देशकको जिम्मेवारी पाएसँगै उनलाई आफ्ना प्रतिस्पर्धीहरुलाई व्यवस्थापन देखि लामो समयदेखि काम सम्पन्न हुन नसकेका गौत्तमबुद्ध अन्तर्राष्ट्रिय विमानस्थल र निर्माण नै हुन नसकेको निजगड अन्तर्राष्ट्रिय विमानस्थलको काम अगाडी बढाउने चुनौती छ ।

योसँगै प्राधिकरण टुक्राउने विषयमा कर्मचारीहरु रुष्ट बनिरहेको बेला त्यसलाई व्यवस्थापन गरी दुई वटा निकाय बनाउने जिम्मेवारी समेत उनलाई रहेको छ ।

प्रकाशित मिति: सोमबार, कात्तिक ८, २०७८ २०:४६

प्रतिक्रिया दिनुहोस्