नबिल बैंक बन्यो हस्तकला व्यापार मेला र हस्तकला प्रतियोगिताको आधिकारिक बैंकिङ पार्टनर

मुख्य समाचार

गृहपृष्ठ
मुख्य समाचार

नबिल बैंक बन्यो हस्तकला व्यापार मेला र हस्तकला प्रतियोगिताको आधिकारिक बैंकिङ पार्टनर

क्यापिटल नेपाल शनिबार, मंसिर ४, २०७८

काठमाडौं । नबिल बैंक १८ औं हस्तकला व्यापार मेला र १६ औं हस्तकला प्रतियोगिताको आधिकारिक बैंकिङ पार्टनर रहेकाे छ । हस्तकला महासंघ र नबिल बैंकले साझेदारी गरेसँगै बैकिङ पार्टनरका रुपमा नबिल बैंक रहेको हो ।

हस्तकला महासंघको आयोजनामा शुक्रबारदेखि आइतबारसम्म हयात रिजेन्सी होटल काठमाडौंमा १८ औं हस्तकला व्यापार मेला र १६ औं हस्तकला प्रतियोगिताको सञ्चालन भइरहेको छ । नबिल बैंकका एसएमई तथा माइक्रो फाइनान्स प्रमुख निरज बस्नेत डनिल र नेपाल हस्तकला महासंघका महानिर्देशक तारक थापाले साझेदारी पत्रमा हस्ताक्षर गरेका छन् ।

नेपाल हस्तकला महासंघसँगको सम्बन्धलाई निरन्तरता दिँदै यस वर्ष पनि महासंघको कार्यक्रममा सहयोग तथा सहकार्य गर्ने निर्णय गरेको नबिल बैंकले जनाएको छ ।

महासंघसँग बैंकको यो तेस्रो सहकार्य हुनुका साथै मेक इन नेपालअन्तर्गत नेपाली उत्पादनलाई सहयोग एवं प्रोत्साहन गर्ने नबिल बैंकको पहल तथा बैंकको दिगो बैकिङ दृष्टिकोण अनुरुप उक्त साझेदारी गरिएको हो ।

एउटै छाताभित्र हस्तकला व्यवसाय प्रवद्र्धन गर्ने उदेश्यले आयोजना गरिने कार्यक्रममा आधिकारिक बैंकिङ पार्टनरको रुपमा सहभागी हुन पाउनु बैंकको लागि खुसिको कुरा भएको बैंकका साना तथा मझौला उधम तथा लघुवित्त कर्जा विभागका प्रमुख नीरजकुमार बस्नेत डनिलले बताए ।
साथै, यस वर्ष कोभिड–१९ महामारीबाट प्रभावित हस्तकला व्यवसायलाई पुर्नरुत्थान गर्न आर्थिक पहुँच पुर्याई दक्ष जनशक्तिको रोजगारी सुनिश्चित गर्न सहयोग हुने बस्नेतको भनाइ छ ।

त्यस्तै नेपाली हस्तकला उद्यम र व्यवसाय प्रवर्द्धनका लागि आयोजना गरिने राष्ट्रिय स्तरका व्यापार मेलाहरुमा महासंघसँग नबिल बैंकले निरन्तर रुपमा गर्दैआएको सहयोग र सहकार्यले उद्यमी एवं हस्तकला व्यवसायलाई उर्जा र हौसला प्रदान गरेको नेपाल हस्तकला महासंघका महानिर्देशक तारक थापाले बताएका छन् ।

प्रकाशित मिति: शनिबार, मंसिर ४, २०७८ ०९:२०

प्रतिक्रिया दिनुहोस्