गहनाका नाममा भित्रिन थाल्यो सुन, राजस्व छल्ने नियत देखिएको सरकारको ठहर

मुख्य समाचार

गृहपृष्ठ
मुख्य समाचार

गहनाका नाममा भित्रिन थाल्यो सुन, राजस्व छल्ने नियत देखिएको सरकारको ठहर

क्यापिटल नेपालमंगलबार, मंसिर ७, २०७८

काठमाडौं । पछिल्लो समय गहनाका नाममा ठूलो परिमाणमा सुन भित्रिने गरेको खुलेको छ । विदेशबाट फर्किएका यात्रुले सुनलाई स्पष्ट रुपमा घोषणा नगरी सुनलाई गहना भनी भन्सार छल्ने गरेको पाइएको भन्सार विभागले जनाएको छ ।

विदेशबाट आउने यात्रुले सुन बोकेर आउने र एयरपोर्ट भन्सारमा सुनमा गहना ल्याएको भनेर घोषणा गर्ने गरेको विभागले जनाएको छ । कतिपय यात्रुमाथि शंका लागेर एयरपोर्टस्थित भन्सारका कर्मचारीले छानविन गर्दा सुनका गहना नल्याई सुन ल्याएको पाइएको हो ।

भन्सार विभागले एक सूचना जारी गर्दै राजस्व छल्ने नियतबाट काम गरेको पाइएको र त्यस्तो फेला परे कानुन बमोजिम कारबाही हुने जनाएको छ । विदेशबाट आउने यात्रुले गहना लिएर आउँदा भन्सारका कर्मचारीले खासै चेकचाँच गर्ने गरेका छैनन् । त्यसको फाइदा उठाउँदै यात्रुले सुनलाई पनि गहना भनेर स्वघोषणा गर्ने गरेको पाइएको हो ।

प्रकाशित मिति: मंगलबार, मंसिर ७, २०७८ १४:२९

प्रतिक्रिया दिनुहोस्