साइबर ब्युरो स्थापना गर्न कोरियाद्वारा ८० करोड सहयोग

मुख्य समाचार

गृहपृष्ठ
मुख्य समाचार

साइबर ब्युरो स्थापना गर्न कोरियाद्वारा ८० करोड सहयोग

क्यापिटल नेपाल बुधबार, मंसिर १५, २०७८

काठमाडौं । गणतन्त्र कोरियाले साइबर ब्युरो स्थापना गर्न ८० करोड रूपैयाँभन्दा बढी आर्थिक सहयोग उपलव्ध गराउने भएको छ ।

सहयोगसम्बन्धी सम्झौतामा आज राजधानीमा आयोजित एक कार्यक्रममा गृह सचिव टेकनारायण पाण्डे र यहाँस्थित कोरियाली अन्तर्राष्ट्रिय सहयोग नियोग (कोइका) का देशीय निर्देशक सुन हुन कोले हस्ताक्षर गरे ।

सो रकम नेपाल प्रहरीको क्षमता अभिवृद्धि, साइबर अपराधविरुद्ध उनीहरूको सशक्तीकरण, साइबर ब्युरोको अत्याधुनिक भवन निर्माण, साइबर अपराध अनुसन्धान र डिजिटल उपकरण, विधिविज्ञान प्रयोगशाला निर्माणमा उपयोग गरिने गृह मन्त्रालयले जनाएको छ ।

कोइकाले नेपाल प्रहरीसँगको सहकार्य र समन्वयमा सो परियोजना आगामी छ वर्षभित्रमा पूरा गर्नेछ । कोरिया सरकारले सन् २०४७ देखि स्वास्थ्य, व्यावसायिक तालिम, ग्रामीण विकास र सूचना प्रविधिका विभिन्न क्षेत्रमा कोइकामार्फत नेपाल सरकारलाई सहयोग गर्दै आएको छ ।

प्रकाशित मिति: बुधबार, मंसिर १५, २०७८ १६:३४

प्रतिक्रिया दिनुहोस्