अब सर्लाहीबाट पनि ई –पासपोर्ट वितरण

प्रविधि

गृहपृष्ठ
प्रविधि

अब सर्लाहीबाट पनि ई –पासपोर्ट वितरण

क्यापिटल नेपालशुक्रबार, फागुन ६, २०७८

सर्लाही । जिल्ला प्रशासन कार्यालयले ई–पासपोर्ट (विद्युतीय राहदानी) वितरण सेवा थालनी गरेको छ ।

राहदानी विभाग काठमाडौंबाट पहिलोपटक १५६ सेवाग्राहीको ई–पासपोर्ट छापिएर आएपछि सो सेवा सुरु गरेको प्रमुख अधिकारी थानेश्वर गौतमले जानकारी दिए । उनका अनुसार ३ जना सेवाग्राहीलाई उक्त पासपोर्ट प्रदान गरी कार्यक्रमको सुरुवात गरिएको हो ।

पासपोर्ट छापिएर आएका अन्य सेवाग्राहीले पनि कार्यालयमा आएर आ–आफ्नो पासपोर्ट लिन सक्ने र आवेदन पेस भएको १५ दिनभित्र सेवाग्राहीलाई पासपोर्ट उपलब्ध गराइने उनले बताए ।

लामो समयसम्म प्रयोगमा रहेको हस्तलिखित पासपोर्टलाई विस्थापित गरेर एमआरपी लागू गरेको राहदानी विभागले करिब ११ वर्ष पछि ई –पासपोर्ट प्रयोगमा ल्याएको छ ।

विभागले दिने राहदानीमा विद्युतीय चाप हुने र यसमा सम्बन्धित व्यक्तिका विवरण समाविष्ट हुने कार्यालयले जनाएको छ । एमआरपीका तुलनामा याे पासपोर्ट बढी विश्वसनीय र सुरक्षित हुने जनाइएको छ ।

जिल्लाबाटै सो सेवा पाइने भएपछि सेवाग्राहीलाई काठमाडौँ धाउनुपर्ने बाध्यता अन्त्य भएको छ । साथै धेरै समय पर्खिनुपर्ने बाध्यता पनि हटेको छ ।

प्रकाशित मिति: शुक्रबार, फागुन ६, २०७८ १४:३८

प्रतिक्रिया दिनुहोस्