दाेहामा ग्राउन्डेड जहाजकाे इन्जिन फेरियाे, भाेलि नेपाल आउँदै

मुख्य समाचार

गृहपृष्ठ
मुख्य समाचार

दाेहामा ग्राउन्डेड जहाजकाे इन्जिन फेरियाे, भाेलि नेपाल आउँदै

क्यापिटल नेपाल आइतबार, फागुन २२, २०७८

काठमाडौं । अन्ततः नेपाल वायुसेवा निगमकाे जहाज-३२० को इन्जिन कतारको दोहामा ग्राउन्डेड भएकाे ६६ दिनपछि फेरिएकाे छ ।

इन्जिन फेरिएकाे उक्त जहाज भाेलि नेपाल आउँदैछ । त्यसलगत्तै जहाजले व्यावसायिक उडान सुरु गर्ने निगमको तयारी छ ।

गत पुस १३ गते जहाज अवतरणपछि पार्किङको क्रममा इन्जिनमा समस्या आएपछि ग्राउन्डेड भएको थियो । केही समयअघि मात्र नेदरल्यान्डको एमटीयू मेन्टिनेन्स लेन्स सर्भिससँग इन्जिन भाडामा लिने सम्झौता गरेसँगै फागुन १९ (३ मार्च) मा बिहान साढे १० बजे दोहामा पुर्याएकाे हाे ।

बोलपत्रमा छनौट भएको पहिलो कम्पनी एभीवन थियो । तर, उसले सुरुको दायित्वभन्दा अतिरिक्त शुल्क थपेर पठाएपछि निगमले पहिला जतिमा बोलकबोल गरिएको हो सोही मूल्यमै गर्न भनेपछि कम्पनी ब्याक भएको थियो ।

निगमले एमटीयू मेन्टिनेन्स लेन्स सर्भिससँग निगमले इन्जिन भाडामा लिएबापत दैनिक २ हजार डलर तिर्नुपर्छ । त्योसँगै प्रतिघण्टा (जहाज उडेका बेला) करिब २ सय डलर र साइकल (ल्यान्डिङ) को पनि करिब २ सय डलर नै तिर्नुपर्छ ।

३ महिनाका लागि सम्झौता गरेको सो कम्पनीसँग निगमले इन्जिन भाडामा लिएबापत पहिलो महिना करिब ६० हजार डलर तिर्नुपर्छ । त्यसपछि भने जति धेरै उडायो त्यति नै बढी रकम तिर्नुपर्ने हुन्छ ।

प्रकाशित मिति: आइतबार, फागुन २२, २०७८ १३:३२

प्रतिक्रिया दिनुहोस्