भारतमा ऊर्जा संकट गहिरिँदै, सरकारका विद्युत् कम्पनीमाथि कोल इन्डियाको ६० खर्ब बक्यौता

पूर्वाधार

गृहपृष्ठ
पूर्वाधार

भारतमा ऊर्जा संकट गहिरिँदै, सरकारका विद्युत् कम्पनीमाथि कोल इन्डियाको ६० खर्ब बक्यौता

क्यापिटल नेपाल आइतबार, वैशाख १८, २०७९

एजेन्सी । महाराष्ट्र, पश्चिम बंगाल, झारखण्ड, तामिलनाडु, राजस्थान र मध्य प्रदेशका विद्युत् उत्पादन गर्ने सरकारी कम्पनीमाथि कोल इन्डिया लिमिटेड (सीआईएल) को झन्डै ६० खर्ब रुपैयाँ बक्यौता रहेको छ ।

कोइलाको कमी हुँदा भारतले अहिले विद्युत् संकट झेलिरहेको छ । रुस–युक्रेन युद्धले गर्दा आपूर्ति श्रृङखलामा आएको असन्तुलनले विश्व बजारमा कोइलाको भाउ ४ गुणा बढेको छ । झण्डै ३ महिनालाई पुग्ने कोइला सञ्चित हुने गरेकोमा भारतमा अहिले घटेर एक साता भन्दा कममा झरेको छ । यसले गर्दा भाउ बढेको छ ।

समाचारअनुसार महाराष्ट्र स्टेट पावर जेनेरेसन कम्पनीमाथि कोल इन्डियाको सर्वाधिक २० खर्ब भारु बक्यौया छ । जबकि पश्चिम बंगाल पावर डेभलपमेन्ट कर्पोरेसन लिमिटेडमाथि १ खर्ब ६६ करोड भारु बक्यौता छ ।

महाराष्ट्र, राजस्थान र पचिम बंगालका बिजुली उत्पादक कम्पनीमाथि सबभन्दा धेरै बक्यौता रकम छ । तर, सीआईएलले यिनीहरुलाई आपूर्ति भने रोकेको छैन ।

भारतमा झण्डै ८० प्रतिशत ऊर्जा कोइलाबाट उत्पादन हुने गरेको छ । कोइला आपूर्ति नभएपछि अहिले भारतमा चरम ऊर्जा संकट छ । ऊर्जा उत्पादन घटेपछि अहिले धेरै राज्यहरुमा लोडसेडिङ हुन थालेको छ । यस्तै ऊर्जा नपाएपछि झण्डै आधा उद्योग बन्द भएका छन् ।

प्रकाशित मिति: आइतबार, वैशाख १८, २०७९ ११:१२

प्रतिक्रिया दिनुहोस्