प्रधानमन्त्री निवास बालुवाटारमा बलात्कार पीडितलाई न्याय माग्दै युवाहरूको प्रदर्शन

मुख्य समाचार

गृहपृष्ठ
मुख्य समाचार

प्रधानमन्त्री निवास बालुवाटारमा बलात्कार पीडितलाई न्याय माग्दै युवाहरूको प्रदर्शन

क्यापिटल नेपाल शुक्रबार, जेठ ६, २०७९

काठमाडौं । बलात्कार पीडितलाई न्याय माग्दै युवाहरूले शुक्रबार प्रधानमन्त्री निवास बालुवाटार अघि प्रदर्शन गरेका छन् । उनीहरुले बलात्कारका दोषीलाई सजाय दिन, बलात्कार र अन्य यौनजन्य हिंसासम्बन्धी कानुनमा हदम्यादको व्यवस्था हटाउन, बलात्कार र यौनजन्य हिंसासम्बन्धी मुद्दामा फास्ट ट्रयाकबाट सुनुवाइ गर्न माग गरेका छन् ।

केही दिनअघि एक युवतीले सामाजिक सञ्जाल टिकटकमार्फत सौन्दर्य प्रतियोगिताको नाममा आफूमाथि बलात्कार भएको सार्वजनिक गरेकी थिइन् । उनले टिकटकमा सार्वजनिक गरेअनुसार उनी १६ वर्षकी हुँदा काठमाडौंको एक होटलमा कार्यक्रम आयोजकले बेहोस हुने पेय पदार्थ खुवाएर बलात्कार गरेका थिए ।

८ वर्ष अघिको उक्त घटना सार्वजनिक भएसँगै युवाहरूले बलात्कारीलाई कारबाहीको माग गर्दै शुक्रबार बालुवाटारमा प्रदर्शन गरेका हुन् । प्रदर्शनकारीहरूले बलत्कार र अन्या यौनजन्य हिंसासम्बन्धी कानुनमा हदम्यादको व्यवस्था हटाउ, पुँजीवादी पितृसत्ता मुर्दावाद, दोषीलाई कारबाही गरलगायतका नारासहितको प्लेकार्ड बोकेर प्रदर्शन गरिरहेका छन् ।

No description available.