गीतसंगीतलाई मात्र प्राथमिकता दिने रुस्लान एफएम पुनः सञ्चालनमा

मुख्य समाचार

गृहपृष्ठ
मुख्य समाचार

गीतसंगीतलाई मात्र प्राथमिकता दिने रुस्लान एफएम पुनः सञ्चालनमा

क्यापिटल नेपाल शुक्रबार, जेठ १३, २०७९

काठमाडौं । केही समयदेखि कोभिडका कारणले सञ्चालन रोकिएको रुस्लान एफएम ९५.२ मेगाहर्ज पुनः सञ्चालनमा आएको छ । गीतसंगीतलाई मात्र प्राथमिकता दिने एफएम पुनः श्रोतामाझ फर्किएको हो ।

अत्यधिक रुचाइएको नयाँ तथा पुराना संगीतकर्मीहरूका रचना नेपाली श्रोतामाझ पुर्याइरहेको एफएफले नेपाली संगीतकर्मीहरूलाई विशेष ठाउँ प्रदान गर्दै आइरहेको छ ।

नेपालीका साथसाथै लोकप्रिय हिन्दी तथा अंग्रेजी गीतहरु पनि सुन्न सकिने छ ।

‘पहिलाभन्दा भव्य तरिकाले सञ्चालन हुने र हाम्रा श्रोताहरूको मनमा फेरि बस्ने सोचसहित कोभिडपश्चात् नयाँ र बेग्लै सोचले अघि बढिरहेका छौं’, एफएमका प्रमुख मार्केटिङ अधिकृत, वैभव शर्माले भने ।

बिहान ६ बजेबाट राति १२ बजे सम्म सञ्चालन हुने उक्त एफएममा बिहान ६ देखि ८ सम्म ‘वर्क आउट बिट्स’, ८ देखि ११ सम्म ‘रस आवर बिट्स’, ११ देखि दिउँसो ४ बजेसम्म ‘चिल बिट्स’, ४ देखि ७ सम्म ‘इन ट्रेन्ड’ र बेलुकी ७ देखि राति १२ बजेसम्म ‘भाइब्रेन्ट बिट्स’ गरी ५ विधाका कार्यक्रममार्फत विभिन्न गीतसंगीत सुन्न सकिनेछ ।

प्रकाशित मिति: शुक्रबार, जेठ १३, २०७९ १३:२१

प्रतिक्रिया दिनुहोस्