जलविद्युतमा चीनको लोभलाग्दो प्रगतिः याङत्सेमा बनेका ६ आयोजनाबाट मात्रै ३० खर्ब युनिट बिजुली

मुख्य समाचार

गृहपृष्ठ
मुख्य समाचार

जलविद्युतमा चीनको लोभलाग्दो प्रगतिः याङत्सेमा बनेका ६ आयोजनाबाट मात्रै ३० खर्ब युनिट बिजुली

क्यापिटल नेपाल आइतबार, जेठ २२, २०७९

एजेन्सी । चीनले याङत्से नदीमा ६ वटा ठूला जलविद्युत परियोजना बनाएको छ । ती परियोजनाबाट वार्षिक ३० खर्ब युनिट बिजुली उत्पादन हुने छ । आधा दर्जन ठूला आयोजनाहरुबाट ९१ करोड टन कोइला बचत गर्न र लगभग २४ करोड टन कार्बन डाइअक्साइड घटाउने चाइना थ्री गर्जेज ग्रुपले जनाएको छ ।

निर्माणाधीन विश्व दोस्रो ठूलो जलविद्युत आयोजना बैहेतान जलविद्युत केन्द्रसहित छवटा जलविद्युत आयोजना संसारकै सबैभन्दा ठूलो स्वच्छ ऊर्जा करिडोर बनेको छ । हाल छवटा स्टेशनहरूमा सञ्चालनमा रहेका जलविद्युत एकाइहरूको संख्या १०१ पुगेको छ ।

स्थापित क्षमता ६ करोड २० लाख युनिट भन्दा बढी छ । यो देशको स्थापित जलविद्युत क्षमताको लगभग १६ प्रतिशत हो । बैहेतान जलविद्युत केन्द्र पूर्ण रुपमा सञ्चालनमा आएपछि यसको कुल जडित क्षमता ७१.६९५ मिलियन किलोवाट पुग्ने छ । जुन थ्री गर्जेस जलविद्युत केन्द्रको विद्युत उत्पादनको तीन गुणा बराबर हुनेछ ।

विश्वको सबैभन्दा ठूलो स्वच्छ ऊर्जा करिडोरमा ठूलो ऊर्जा उत्पादन क्षमता रहेको र यसले मध्य र पूर्वी चीनका साथै दक्षिण पश्चिम चीनको सिचुआन र युनान प्रान्त र दक्षिण चीनको ग्वाङ्डोङमा विद्युत आपूर्तिलाई प्रभावकारी रूपमा राहत दिन सक्ने छ ।

कोरिडोरले पावर ग्रिडको सुरक्षित र स्थिर सञ्चालनमा पनि महत्त्वपूर्ण भूमिका खेल्नेछ । पश्चिमी चीनबाट प्रचुर मात्रामा जलविद्युतलाई पूर्वमा देशका प्रमुख आर्थिक पावरहाउसहरूमा स्थानान्तरण गर्न बलियो साथ प्रदान गर्नेछ ।

चीनले विश्वकै सबैभन्दा ठूलो २२ हजार ५०० मेगावाटको थ्री गर्जेज जलविद्युत आयोजनाबाट बिजुली उत्पादन गरिरहेको छ ।

(ग्लोबल टाइम्सको सहयोगमा)

प्रकाशित मिति: आइतबार, जेठ २२, २०७९ १६:५१

प्रतिक्रिया दिनुहोस्