महानगरले नर्भिकको कुरा सुनेन, मंगलबार नै टहरा भत्काउँदै

मुख्य समाचार

गृहपृष्ठ
मुख्य समाचार

महानगरले नर्भिकको कुरा सुनेन, मंगलबार नै टहरा भत्काउँदै

क्यापिटल नेपाल मंगलबार, साउन २४, २०७९

काठमाडौं । काठमाडौं महानगरपालिकाले नर्भिक इन्टरनेसनल अस्पतालले नियमविपरीत बनाएका टहरा भत्काउने भएको छ ।

महानगरको सहरी व्यवस्था विभागले सोमबार सूचना जारी गर्दै अस्पतालले लिजमा लिएको जग्गाको पश्चिमतर्फ निर्माण गरेका संरचना हटाउन २४ घण्टाको अल्टिमेटम दिएको थियो ।

तर, मंगलबार बिहान अस्पतालले महानगरलाई पत्र लेख्दै उपचाररत बिरामीका कारण तत्काल टहरा भत्काउन नसकिने जनाएको थियो ।

अस्पतालले टहरा नभत्काएपछि महानगरको टोली टहरा भत्काउन थापाथलीस्थित नर्भिक अस्पताल गएको छ ।

अस्पतालका अनुसार महानगरले भत्काउन आदेश दिएको भवनमा अक्सिजन प्लान्टलगायत महत्वपूर्ण साधन तथा उपकरण राखिएको छ । क्यापिटल नेपालसँग कुरा गर्दै महानगरका प्रवक्ता नवीन मानन्धरले भने, ‘हामी टहरा भत्काउन जाँदैछौं, नर्भिकले के भन्यो, कस्तो भन्यो भन्ने सरोकार भएन ।’

अस्पतालले सरकारको नाममा रहेको कित्ता नम्बर २०८५ क्षेत्रफल १–८–१–८ जग्गा लिजमा लिई सरकारसँगको सम्झौताविपरीत र नक्सापास स्वीकृत नगरी टहरा बनाएको सूचनामा उल्लेख छ ।

प्रकाशित मिति: मंगलबार, साउन २४, २०७९ १४:२३

प्रतिक्रिया दिनुहोस्