उपप्रधानमन्त्री पोखरेलले श्रममन्त्री बिष्टलाई भने-सरोकारवाला निकायसंग समन्वय गरेर निर्णय गर्नुस्

रोजगार

गृहपृष्ठ
रोजगार

उपप्रधानमन्त्री पोखरेलले श्रममन्त्री बिष्टलाई भने-सरोकारवाला निकायसंग समन्वय गरेर निर्णय गर्नुस्

क्यापिटल नेपालमंगलबार, असोज ७, २०७६

काठमाडौं । उपप्रधानमन्त्री एवम् रक्षामन्त्री ईश्वर पोखरेलले वैदेशिक रोजगार क्षेत्रको समस्या समधान गर्न सरोकारवाला निकायहरूसंग समन्वय गरेर निर्णय लिन श्रम ,रोजगार तथा सामाजिक सुरक्षा मन्त्री गोकर्ण बिष्टलाई अनुरोध गरेका छन् ।

नेपाल वैदेशिक रोजगार व्यवसायी सघको २७ औं वार्षिक साधारणसभाको मंगलबार राजधानीमा उद्घाटन गर्दै उपप्रधानमन्त्री पोखरेलले निर्णय गर्दा समन्वय अभाव भएकै कारण केही समय वैदेशिक रोजगार क्षेत्रमा समस्या उत्पन्न भएको तर्फ इङ्गित गरेका थिए ।

सरकार वैदेशिक रोजगारिको क्षेत्रमा देखिएका समस्या समधान गर्न तयार रहेको उनको भनाइ छ। सबै निकायसंग समन्वय गरेमा निर्णय कार्यन्वयनमा समेत सहज हुने पोखरेलको भनाइ छ ।

वैदेशिक रोजगारलाई मर्यादित, व्यवस्थित बनाउन जरुरी रहेको उल्लेख गर्दै उनले यस क्षेत्रमा देखा परेका समस्या सम्बद्ध सरोकारवालासँगको छलफलमा टुङ्ग्याउनुपर्ने बताए ।

नीति, निर्ण गर्दा सरोकारवालासँग परामर्श गर्नुपर्नेमा जोड दिँदै उनले सरकार पछिल्लो समय सबै सरोकारवाला पक्षसँग समन्वय गर्ने पक्षमा रहेको बताए ।

साधारणसभाले २ बर्षका लागि नयाँ नेतृत्व समेत चयन गर्ने छ । साधारणसभामा ६५८ जना प्रतिनिधिहरु सहभागी छन् । नयाँ नेतृत्वका लागि लोकतान्त्रिक फोरमका तर्फबाट बिष्णु गैरे र प्रगतिशीलको तर्फबाट सरोज पोखरेल चुनावी मैदानमा उत्रिएका छन् ।

प्रकाशित मिति: मंगलबार, असोज ७, २०७६ १०:५०

प्रतिक्रिया दिनुहोस्