राष्ट्रिय सहकारी बैंकले पठायो सदस्यको खातामा १५ प्रतिशत लाभांश

मुख्य समाचार

गृहपृष्ठ
मुख्य समाचार

राष्ट्रिय सहकारी बैंकले पठायो सदस्यको खातामा १५ प्रतिशत लाभांश

क्यापिटल नेपालमंगलबार, पुस १९, २०७९

काठमाडौं । राष्ट्रिय सहकारी बैंकले लाभांश वितरण गरेको छ । बैंकले गत आर्थिक वर्ष २०७८/७९ को नाफाबाट सेयर सदस्य सहकारी संघ संस्थाहरुलाई १५ प्रतिशत लाभांश वितरण गरेको हो । बैंकको साधारणसभाले लाभांश प्रस्ताव पारित गरेसँगै नगद लाभांश खातामा पठाएको हो ।

साधारणसभा सकिए लगत्तै सहकारीहरुको खातामा लाभांश पठाइएको बैंकका अध्ययक्ष केबी उप्रेतीले बताए । बैंकले ४३ करोड ४५ लाख ५७ हजार ७४८ रुपैयाँ लाभांश वितरण गरेको उप्रेतीले बताए ।

बैंकले विगत ५ वर्षदेखि लगातार १५ प्रतिशत लाभांश प्रदान गर्दै आएको छ । बैंकले वितरण गरेको यो लाभांशमा संरक्षित पुँजी फिर्ता कोषबाट प्राप्त गर्ने रकम समावेश नगरीएको बैंकले जनाएको छ ।

साथै, छिट्टै नै सदस्यहरुलाई संरक्षित पुँजीफिर्ता कोषको रकम पनि सदस्यको खातामा पठाउने तयारी रहेको बैंकले जनाएको छ ।
बैंकले लाभांशबाहेक कारोबारका आधारमा संरक्षित पुँजीफिर्ता कोषबाट पनि सदस्य सहकारीहरुलाई रकम उपलब्ध गराउँदै आएको छ ।

संरक्षित पुँजीफिर्ता कोषको रकम कारोबारको आधारमा दिइने र उक्त रकम केही समयपछि प्रदान गरिने बैंकका प्रमुख कार्यकारी अधिकृत बद्रीकुमार गुरागाईंले बताए ।

प्रकाशित मिति: मंगलबार, पुस १९, २०७९ १७:२३

प्रतिक्रिया दिनुहोस्