समस्याग्रस्त दुई सहकारीका ऋणीको नाम सार्वजनिक, ऋण चुक्ता भए प्रमाणसहित उपस्थित हुन आग्रह

सहकारी

गृहपृष्ठ
सहकारी

समस्याग्रस्त दुई सहकारीका ऋणीको नाम सार्वजनिक, ऋण चुक्ता भए प्रमाणसहित उपस्थित हुन आग्रह

क्यापिटल नेपाल बिहीबार, जेठ २८, २०८३

काठमाडौं। समस्याग्रस्त सहकारी व्यवस्थापन समितिको कार्यालयले समस्याग्रस्त घोषित हाम्रो नयाँ कृषि र कृषि विकास बहुउदेश्यीय सहकारी संस्था लिमिटेडका १३२ जना ऋणीहरूको नामावली सार्वजनिक गरेको छ।

जसमध्ये हाम्रो नयाँ कृषि सहकारीको १२ जना र कृषि विकास बहुउदेश्यीय सहकारीका १२० जना ऋणीहरू छन्। समितिले २०८३ वैशाख २३ गतेको निर्णयअनुसार उक्त नामावली सार्वजनिक गरेको जनाएको छ।

समितिले उपलब्ध ऋण विवरणका आधारमा नामावली सार्वजनिक गरिएको जनाएको छ। यस क्रममा साविकमा ऋण चुक्ता गरिसकेका तर नामावलीमा नाम समावेश भएका व्यक्तिहरूलाई प्रमाणसहित उपस्थित हुन समेत आग्रह गरिएको छ।

त्यस्तै, ऋण तिर्न बाँकी रहेका ऋणीहरूलाई समितिको कार्यालयमा सम्पर्क गरी यथाशीघ्र ऋण चुक्ता गर्न सूचित गरिएको छ। अन्यथा प्रचलित कानुनअनुसार असुली प्रक्रिया अघि बढाइने समितिले चेतावनी दिएको छ।

समस्याग्रस्त सहकारी व्यवस्थापन समितिले सहकारीको रकम फिर्ता गराउने तथा बचतकर्ताको हित संरक्षण गर्ने उद्देश्यले ऋणीहरूको विवरण सार्वजनिक गरिएको स्पष्ट पारेको छ।

प्रकाशित मिति: बिहीबार, जेठ २८, २०८३ १८:१३

प्रतिक्रिया दिनुहोस्