हङकङले गर्‍याे ५ लाख पर्यटकलाई निःशुल्क हवाई टिकट दिने घोषणा

मुख्य समाचार

गृहपृष्ठ
मुख्य समाचार

हङकङले गर्‍याे ५ लाख पर्यटकलाई निःशुल्क हवाई टिकट दिने घोषणा

क्यापिटल नेपाल शुक्रबार, माघ २०, २०७९

एजेन्सी। हङकङ सरकारले पाँच लाख पर्यटकलाई निःशुल्क हवाई टिकट दिने घोषणा गरेको छ। पर्यटन प्रवर्द्धन गर्नका लागि निःशुल्क हवाई टिकट दिने घोषणा गरेको हङकङ सरकारले जनाएकाे हाे।

हङकङको पर्यटन व्यवसाय पुनरुत्थान र विदेशीलाई स्वागत गर्ने योजनाअन्तर्गत निःशुल्क हवाई टिकटको व्यवस्था गर्न लागेको बताइएकाे छ। विदेशी पाहुनाको स्वागतका लागि ‘हेलो हङकङ’ नामक पर्यटन अभियानअन्तर्गत दुई वर्षको अवधिमा उक्त टिकट बाँडिनेछ।

उक्त निःशुल्क टिकट मार्च १ देखि खुला हुनेछ भने यसका लागि वर्ल्ड अफ विनर्स टिकट अभियानको पेजमा गएर 'फ्लाइट टिकट लट्री'मा आफ्नो नाम राख्नुपर्ने हुन्छ। सुविधा दक्षिणपूर्वी एसियाली मुलुकका नागरिकले मार्च १, केन्द्र सरकार चीनबाट अप्रिल १ र मे १ तारिखदेखि विश्वभरका मानिसका लागि खुला गरिनेछ।

टिकटमध्ये ६५ प्रतिशत विभिन्न एयरलाइन्स र उनीहरूका एजेन्टहरूले छनोट गर्नेछन्। अरू जानकारी हङकङ उडान हुने विभिन्न एयरलाइन्सबाट पनि प्राप्त गर्न सकिनेछ।

हङकङको पर्यटन व्यवसाय कोभिड १९ का कारण सुस्ताएकाे छ। चीनको वुहान सहरमा कोरोना भाइरसको संक्रमण फैलिन थालेपछि हङकङमा सन् २०२० को जनवरीदेखि नै भेला हुने सबै कार्यक्रम बन्द गरिएका कारण पर्यटनले गति लिन सकेकाे थिएन। सिएनएन

प्रकाशित मिति: शुक्रबार, माघ २०, २०७९ १६:१४

प्रतिक्रिया दिनुहोस्