बाघभैरव सहकारी सदस्य श्रेष्ठ बलात्कार अभियोगमा प्रहरी हिरासतमा

सहकारी

गृहपृष्ठ
सहकारी

बाघभैरव सहकारी सदस्य श्रेष्ठ बलात्कार अभियोगमा प्रहरी हिरासतमा

क्यापिटल नेपालबिहीबार, फागुन ४, २०७९

काठमाडौं। कीर्तिपुर नगरपालिका स्थिति बाघभैरब बचत तथा ऋण सहकारी संस्था लिमिटेड सञ्चालन समितिका एक सदस्य बलात्कारको अभियोगमा प्रहरी हिरासतमा पुगेका छन्।

गत बिहीबार कीर्तिपुरमा उनले सञ्चालन गर्दै आएको एक पसलमा ग्राहकका रूपमा आएकी युवतीमाथि जबरजस्ती करणीको प्रयास गरेको उजुरी प्रहरीमा पुगेको छ। कीर्तिपुर प्रहरीका डीएसपी राजु लामाले आइतबार पाँच दिनको म्याद थपगरी अनुसन्धान भइरहेको बताए।

पसलमा आएकी एक युवतीलाई सहकारी सञ्चालक समिति सदस्य दिलकण्ठ श्रेष्ठले पसलमा कोही नभएको मौका पारेर जबरजस्तीको प्रयास गरेको बताइएको छ। अहिले श्रेष्ठलाई छुटाउन राजनीतिक दबाब र आर्थिक प्रलोभन देखाएको पीडित युवतीका आफन्तले आरोप लगाएका छन्।

पीडित युवतीले स्थानीय एक कानुन व्यवसायीमार्फत सम्बन्धित निकायको ध्यानाकर्षण गराउन आग्रह गरेको बुझिएको छ ।

प्रहरीले भने घटनाको अनुसन्धान भइरहेकाले पिडकलाई छुटाउन कुनै त्यस्तो राजनीतिक दबाब नआएको दाबी गरेको छ। कीर्तिपुर प्रहरी प्रमुख डीएसपी लामाले घटनाको उजुरी परे लगत्तै पक्राउ गरी अनुसन्धान अघि बढाएकाले आवश्यक कारबाही हुने बताए। घटना भएको एक साता पुग्नै लाग्दा पनि घटनाको विषयमा प्रहरीले हालसम्म केही खुलाएको थिएन।

प्रकाशित मिति: बिहीबार, फागुन ४, २०७९ १०:४९

प्रतिक्रिया दिनुहोस्