इन्जिनमा समस्या आएपछि नेवानिको ए३२० जहाज दुबईमा ‘ग्राउन्डेड’

पर्यटन

गृहपृष्ठ
पर्यटन

इन्जिनमा समस्या आएपछि नेवानिको ए३२० जहाज दुबईमा ‘ग्राउन्डेड’

क्यापिटल नेपाल आइतबार, फागुन १४, २०७९

काठमाडौं। नेपाल वायुसेवा निगम (नेवानि) को ‘ए३२०–२००’ सिरिजको न्यारोबडी जहाज दुबईमा ‘ग्राउन्डेड’ भएको छ। दुबईबाट काठमाडौं उड्ने क्रममा इन्जिनको दायाँ भागमा ‘ओभर हिट’ भएपछि ग्राउन्डेड गरिएको हो।

दर्ता नम्बर '९एन-एकेडब्लु' जहाजकाे इन्जिनमा आएको ओभर हिटका विषयमा अहिले अध्ययन भइरहेको र आज जहाज उड्ने सम्भावना न्यून रहेको नेवानि स्रोतको भनाइ छ।

उक्त जहाजलाई क्याप्टेन दिपु ज्वार्चनले उडाएर ल्याउने तालिका थियो। सोही जहाजको इन्जिनमा यसअघि पनि समस्या देखिएको थियो।नेवानिकै अर्को जहाजमा भने केही समयअघि समस्या आएर इन्जिन नै परिवर्तन गरिएको थियो।

अहिले ग्राउन्डेड जहाजको पनि इन्जिनमा समस्या देखिएपछि फेर्नुपर्ने वा मर्मत गरेर उडाउन मिल्ने भन्ने विषयमा भने नेवानिको इन्जिनियरिङ टिमले थप अध्ययन गर्ने छ।

प्रकाशित मिति: आइतबार, फागुन १४, २०७९ १४:५३

प्रतिक्रिया दिनुहोस्