ज्योति विकास बैंकले ६.८ प्रतिशत लाभांश दिने

बैंकिङ

गृहपृष्ठ
बैंकिङ

ज्योति विकास बैंकले ६.८ प्रतिशत लाभांश दिने

क्यापिटल नेपाल आइतबार, फागुन १४, २०७९

काठमाडाैं। ज्योति विकास बैंकको आज १५ औं वार्षिक साधारणसभा सम्पन्न भएको छ। वार्षिक साधारणसभामा अनलाइन (भर्चुअल) प्रविधिमार्फत सहभागी हुने व्यवस्थासमेत गरिएको थियो ।

उक्त साधारणसभाले बैंकको आर्थिक वर्ष २०७८/७९ को वार्षिक प्रतिवेदन पारित गर्नुका साथै बैंकको सञ्चालक समितिले प्रस्ताव गरेअनुसार सेयरधनीहरुलाई हाल कायम भएको चुक्ता पुँजीको ३ प्रतिशत बोनस सेयर तथा ३.८ प्रतिशत नगद लाभांश प्रदान गर्ने प्रस्ताव पारित गरेको छ। बैंकले ३ प्रतिशत बोनस सेयर पारित गरेपश्चात् बैंकको चुक्ता पुँजी ४ अर्ब ३९ करोड ५७ लाख ८५ हजार रूपैयाँ पुगेको छ।

बैंकको वार्षिक साधारणसभाले आर्थिक वर्ष २०७८/७९ को सञ्चालक समितिको प्रतिवेदन, लेखा परीक्षकको प्रतिवेदनसहित २०७९ असार मसान्तसम्मको वासलात, नाफा(नोक्सान हिसाब तथा नगद प्रवाह विवरण लगायतका वार्षिक वित्तिय विवरणहरूउपर छलफल गरी स्वीकृत गर्नुका साथै बैंकको प्रबन्धपत्र र नियमावलीमा संशोधन गर्ने प्रस्ताव पारित गरेको छ ।

साथै, सभाले बैंकको आ।व। २०७९/८० को लेखापरीक्षण गर्न लेखा परीक्षक नियुक्ति गर्नुको साथै बैंकको सहायक कम्पनी ज्योति क्यापिटल लिमिटेडको आव २०७८/७९ को वित्तीय विवरणसहितको बैंकको एकीकृत वित्तीय विवरणउपर छलफल गरी पारित गरेको छ। उक्त साधारणसभा बैंकका सञ्चालक समितिका अध्यक्ष हरिचन्द्र खड्काको सभापतित्त्वमा भएको थियाे।

प्रकाशित मिति: आइतबार, फागुन १४, २०७९ १६:५२

प्रतिक्रिया दिनुहोस्