फेरि बढ्यो कोरोना, १४२ जनामा संक्रमण

जीवनशैली

गृहपृष्ठ
जीवनशैली

फेरि बढ्यो कोरोना, १४२ जनामा संक्रमण

क्यापिटल नेपाल शुक्रबार, चैत १७, २०७९

काठमाडाैं। नेपालमा कोरोना भाइरसको संक्रमण शुक्रबार फेरि बढेको छ। स्वास्थ्य तथा जनसङ्ख्या मन्त्रालयका अनुसार आज एक हजार ७९ जनामा गरिएको परीक्षणमा एक सय ४२ जनामा संक्रमण देखिएको छ।

यसअघि चैत १६ गते ४२, चैत १५ गते ३४, चैत १४ गते २४ र चैत १३ गते ६९ जनामा संक्रमण देखिएको थियो। संक्रमित बढेसँगै सक्रिय संक्रमित पनि बढेको पाइएको छ। आज सक्रिय संक्रमितकाे संख्या एक सय ६३ पुगेको छ।

इपिडिमियोलोजी तथा सरुवा रोग नियन्त्रण महाशाखाका निर्देशक डा चुमनलाल दासले भारतमा संक्रमण बढिरहेकाले खुला सीमा नाका कारणले त्यसको असर नेपालमा परेको बताए। उनले खुला सीमा नाकाबाट संक्रमित नेपाल भित्रिएको हुनाले संक्रमण बढेको बताए।

भारतको उत्तर प्रदेशमा सङ्क्रमण बढिरहेको छ। मन्त्रालयले कोरोना भाइरसको रोकथाम र नियन्त्रणका लागि अतिरिक्त मात्रा (बुस्टर डोज) सबैलाई लगाउन निर्देशन दिएको छ। अहिले उपत्यकासहित सबै ठाउँमा बुस्टर डोज लगाउने अभियान सञ्चालन भइरहेको छ।

प्रकाशित मिति: शुक्रबार, चैत १७, २०७९ २२:२१

प्रतिक्रिया दिनुहोस्